latest news
ഇനി ലിപ്പ് ലോക്കില്ല: അനിഖ പറയുന്നു
ബാലതാരമായി എത്തി മലയാളികളുടെ മനസില്‍ ഇടം നേടിയ താരമാണ് അനിഖ സുരേന്ദ്രന്‍. നിരവധി കഥാപാത്രങ്ങളെ താരം അവതരിപ്പിച്ചിട്ടുണ്ട്. ഇപ്പോള്‍ നായികയായും താരം സിനിമയില്‍ അഭിനയിച്ചു കഴിഞ്ഞു
2007 ല്‍ പുറത്തിറങ്ങിയ ചോട്ടാ മുബൈ എന്ന സിനിമയില്‍ ബാല താരമായിട്ടാണ് അനിഖ അരങ്ങേറുന്നത്. മലയാളത്തിന് പുറമെ അന്യഭാഷ ചലച്ചിത്രങ്ങളിലും അഭിനയിക്കാന്‍ അനിഖക്ക് സാധിച്ചിട്ടുണ്ട്.
ഓ മൈ ഡാര്‍ലിംഗ് എന്ന തെലുഗ് ചിത്രത്തിലെ ലിപ്പ് ലോക്ക് രംഗവും, ധനുഷ് സംവിധാനം ചെയ്ത നിലവുക്ക് എന്‍ മേല്‍ എന്നടി കോപം എന്ന ചിത്രത്തിലെ അനിഖയുടെ പ്രകടനവും, ഒരുപാട് വിമര്‍ശനങ്ങള്‍ നേരിട്ടു. എന്നാല്‍ ഇതിനെല്ലാം മറുപടിയുമായി രംഗത്ത് വന്നിരിക്കുകയാണ് പ്രശസ്ത യുവ താരം ഇപ്പോള്‍. ഓ മൈ ഡാര്‍ലിംഗിലെ വിവാദമായ ലിപ്പ് ലോക്ക് രംഗത്തില്‍ അഭിനയിക്കുമ്പോള്‍ ഞാന്‍ വളരെ ചെറുപ്പമായിരുന്നു. ഓരോ അനുഭവങ്ങളും പാഠങ്ങള്‍ ആയി കാണുന്നതിനാല്‍ കുറ്റബോധം തോന്നുന്നില്ല. എന്നാല്‍, അത് പോലെ ഒരു തീരുമാനം ഇനി ഉണ്ടാകാന്‍ സാധ്യതയില്ല. നല്ല സ്‌ക്രിപ്റ്റ് ആണെങ്കില്‍ ഭാവിയില്‍ ഈ തീരുമാനം മാറിയേക്കാം. എന്നാല്‍ വ്യത്യസ്തമായ കഥാപാത്രങ്ങളെയാണ് ഞാന്‍ കാത്തിരിക്കുന്നത്, അനിഖ പറഞ്ഞു.
