latest news
സമൂഹത്തെ പേടിച്ച് ജീവിക്കണോ? ലക്ഷ്മി നായര്‍ പറയുന്നു
ആരാധകര്‍ക്ക് ഏറെ പ്രിയങ്കരിയായ പാചക വിദഗ്ദ്ധയും ടെലിവിഷന്‍ അവതാരകയുമായി ലക്ഷ്മി നായര്‍. കൈരളി ടി.വി.യിലെ ‘മാജിക് ഓവന്‍’, ‘ഫ്ലേവേഴ്സ് ഓഫ് ഇന്ത്യ’ എന്നീ പരിപാടികള്‍ അവതരിപ്പിച്ചാണ് ലക്ഷ്മി ആരാധകര്‍ക്ക് ഏറെ പ്രിയങ്കരിയായി മാറിയത്.
രണ്ട് മക്കളാണ് ലക്ഷ്മിക്ക്. പാര്‍വതിയും വിഷ്ണുവും. പാര്‍വതി ഭര്‍ത്താവിനും മക്കള്‍ക്കുമൊപ്പം പുറത്താണ്. മക്കളുടെയും കൊച്ചു മക്കളുടെയും എല്ലാ വിശേഷങ്ങള്‍ താരം പങ്കുവെക്കാറുണ്ട്. ഇപ്പോള്‍ ലക്ഷ്മി നായര്‍ പങ്കുവെച്ച വീഡിയോയാണ് വൈറലായിരിക്കുന്നത്.
സമൂഹത്തിനെ പേടിച്ച് ജീവിക്കണോ എന്ന വിഷയത്തില്‍ തന്റെ ചിന്തകളാണ് ലക്ഷ്മി പങ്കുവെച്ചത്. മറ്റുള്ളവരെ വിമര്‍ശിച്ച് ജീവിക്കുന്നവരോട് തനിക്ക് പറയാനുള്ള കാര്യങ്ങളും പുതിയ വീഡിയോയില്‍ ലക്ഷ്മി പങ്കുവെച്ചു. ചില സമയങ്ങളില്‍ മനുഷ്യര്‍ മൃഗങ്ങളെക്കാള്‍ മോശമായി പെരുമാറുന്നതായി തോന്നിയിട്ടുണ്ടെന്നും ലക്ഷ്മി പറയുന്നു.
