latest news
സാമന്തയുടെ പേരിലും ക്ഷേത്രം പണിയുന്നു; പിറന്നാള്‍ സമ്മാനം
തെന്നിന്ത്യന്‍ സിനിമ ലോകത്ത് ഇതിനോടകം തന്നെ ശക്തമായ സാനിധ്യമായി മാറി കഴിഞ്ഞ താരമാണ് സാമന്ത. യാതൊരു സിനിമാ പാരമ്പര്യവുമില്ലാതെ സിനിമാ ലോകത്തേക്ക് കടന്നുവന്ന സാമന്ത കുറഞ്ഞ കാലം കൊണ്ടാണ് വലിയ താരമൂല്യമുള്ള നായികയായി മാറിയത്. ഇന്ന് ദക്ഷിണേന്ത്യയില്‍ ഏറ്റവും കൂടുതല്‍ പ്രതിഫലം വാങ്ങുന്ന താരങ്ങളിലൊരാളാണ് സാമന്ത.
സമൂഹ മാധ്യമങ്ങളിലും സജീവ സാനിധ്യമായ സാമന്തയ്ക്ക് 24 മീല്ല്യണിനടുത്ത് ഫോളോവേഴ്സ് ആണുള്ളത്. തന്റെ ചിത്രങ്ങളും വീഡിയോസുമെല്ലാം ഇന്‍സ്റ്റാ വാളില്‍ പോസ്റ്റ് ചെയ്യാന്‍ താരവും മറക്കാറില്ല.
ഇപ്പോള്‍ താരത്തിന്റെ കടുത്ത ആരാധകരില്‍ ഒരാളായ യുവാവ് നടിയുടെ പേരില്‍ ക്ഷേത്രം പണിതുയര്‍ത്തി പൂജകള്‍ നടത്തുന്നുവെന്ന റിപ്പോര്‍ട്ടുകളാണ് പുറത്ത് വരുന്നത്. നടിയെ ദേവിയെപ്പോലെ കണ്ടാണ് ആരാധകനും കുടുംബവും പൂജകളും ആഘോഷങ്ങളും നടത്തുന്നത്. ആന്ധ്രാപ്രദേശിലെ തെനാലിയില്‍ നിന്നുള്ള ഒരു യുവാവാണ് 2023ല്‍ തന്റെ ജന്മനാട്ടിലെ വീടിനടുത്ത് സാമന്തയുടെ വിഗ്രഹം വെച്ചുള്ള ഒരു ക്ഷേത്രം പണിതത്.
