latest news
ആരാണ് അദ്ദേഹത്തെ ഇഷ്ടപ്പെടാതിരിക്കുക; അജിത്തിനെക്കുറിച്ച് തൃഷ
തെന്നിന്ത്യന്‍ സിനിമ ലോകത്തെ താരസുന്ദരിമാരില്‍ മുന്‍നിരയില്‍ തന്നെയാണ് ഇന്നും പ്രേക്ഷകരുടെ പ്രിയതാരം തൃഷ. പെന്നിയന്‍ സെല്‍വനും കഴിഞ്ഞ് ലിയോ വരെയെത്തി നില്‍ക്കുന്ന തൃഷയുടെ കരിയര്‍ എന്നും ഉയര്‍ച്ചകളുടേത് തന്നെയായിരുന്നു.
ഐഡന്റിറ്റി എന്ന മലയാള ചിത്രത്തില്‍ ടൊവിനോ തോമസിനൊപ്പം അഭിനയിച്ച ചിത്രമാണ് തൃഷയുടെതായി ഈ വര്‍ഷം ആദ്യം പുറത്തിറങ്ങിയത്. ആ ചിത്രത്തിന്റെ വിജയത്തിന് പിന്നാലെ ഫെബ്രുവരി 6ന് അജിത്ത് നായകനായി എത്തുന്ന വിഡാമുയര്‍ച്ചി തിയേറ്ററുകളില്‍ എത്തും.
ഇപ്പോള്‍ അജിത്തിനെക്കുറിച്ച് തൃഷ പറഞ്ഞ വാക്കുകളാണ് വൈറലായിരിക്കുന്നത്. അജിത്ത് എന്റെ ഫേവറൈറ്റ് ആണ്. ഇത് എപ്പോഴും പറയും. അജിത്ത് സര്‍ ജെന്റില്‍മാനാണ്. സെറ്റില്‍ പോകുമ്പോള്‍ എന്താണ് ഞാന്‍ നിനക്ക് വേണ്ടി കുക്ക് ചെയ്യേണ്ടതെന്ന് ചോദിക്കും. ആരാണ് അദ്ദേഹത്തെ ഇഷ്ടപെടാതിരിക്കുക. അദ്ദേഹമുണ്ടാക്കുന്ന ബിരിയാണി, ഇറ്റാലിയന്‍ ഡിഷുകള്‍, പാസ്ത എന്നിവയെല്ലാം കഴിച്ചിട്ടുണ്ട്. 4 സിനിമകള്‍ ഒരുമിച്ച് ചെയ്തു എന്നുമാണ് തൃഷ പറയുന്നത്.
