Gossips
ആ വലിയ സിനിമയുടെ ഭാഗമാകാന്‍ വിട്ടുവീഴ്ചയുമായി ഫഹദ്; മമ്മൂട്ടിക്കും മോഹന്‍ലാലിനും ഒപ്പം കാണാം !
മലയാള സിനിമാലോകം വലിയ പ്രതീക്ഷകളോടെ കാത്തിരിക്കുന്ന പ്രൊജക്ടാണ് മമ്മൂട്ടിയും മോഹന്‍ലാലും ഒന്നിക്കുന്ന ബിഗ് ബജറ്റ് ചിത്രം. ഫഹദ് ഫാസിലും ഈ സിനിമയുടെ ഭാഗമാകുമെന്ന് നേരത്തെ റിപ്പോര്‍ട്ടുകളുണ്ടായിരുന്നു. എന്നാല്‍ മറ്റു പ്രൊജക്ടുകളുടെ തിരക്ക് കാരണം മമ്മൂട്ടി-മോഹന്‍ലാല്‍ സിനിമയില്‍ നിന്ന് ഫഹദ് പിന്മാറിയെന്നാണ് ഈയടുത്ത് പുറത്തുവന്ന വാര്‍ത്തകള്‍. ഇത് ആരാധകരെ ഏറെ നിരാശപ്പെടുത്തി. എന്നാല്‍ പുതിയ റിപ്പോര്‍ട്ടുകള്‍ പ്രകാരം ഫഹദും ഈ സിനിമയുടെ ഭാഗമാണ്.
മഹേഷ് നാരായണന്‍ സംവിധാനം ചെയ്യുന്ന സിനിമയില്‍ അഭിനയിക്കാനായി മറ്റു പ്രൊജക്ടുകളില്‍ ചില വിട്ടുവീഴ്ചകള്‍ നടത്താന്‍ ഫഹദ് തയ്യാറായെന്നാണ് വിവരം. മഹേഷ് നാരായണന്‍ സിനിമയ്ക്കായി 20 ദിവസമാണ് ഫഹദ് നല്‍കിയിരിക്കുന്നതെന്നാണ് വിവരം. ഈ സിനിമയുടെ ചിത്രീകരണം കഴിയും വരെ ഫഹദ് മറ്റു പ്രൊജക്ടുകളുടെ ഭാഗമാകില്ല.
ഡിസംബര്‍ ആദ്യത്തോടെ സിനിമയുടെ ചിത്രീകരണം ആരംഭിക്കാനാണ് സാധ്യത. സുപ്രധാന കാമിയോ റോളില്‍ ആണ് മോഹന്‍ലാല്‍ എത്തുക. കുഞ്ചാക്കോ ബോബനും ഈ സിനിമയുടെ ഭാഗമാകും. മമ്മൂട്ടി-മോഹന്‍ലാല്‍ കോംബിനേഷന്‍ സീനുകള്‍ ശ്രീലങ്കയിലാണ് ചിത്രീകരിക്കുക.
