latest news
ധ്യാന്‍ ശ്രീനിവാസന്റെ സീക്രട്ട് ഒടിടിയിലേക്ക്
Published on
ധ്യാന്‍ ശ്രീനിവാസന്‍ പ്രധാന വേഷത്തില്‍ എത്തിയ സീക്രട്ട് ഒടിടിയിലേക്ക്. എസ് എന്‍ സ്വാമിയാണ് ചിത്രം സംവിധാനം ചെയ്തിരിക്കുന്നത്. ജനപ്രിയ ഒടിടി പ്ലാറ്റ്‌ഫോമായ മനോരമ മാക്‌സിലൂടെയാണ് സീക്രട് ഒടിടിയിലെത്തുന്നത്.
മനോരമ മാക്‌സ് ഇന്‍സ്റ്റഗ്രാം പേജിലൂടയൊണ് ഇക്കാര്യം അറിയിച്ചിരിക്കുന്നത്. ചിത്രത്തിന്റെ ഒടിടി റിലീസ് തീയിതി പുറത്തു വിട്ടിട്ടില്ല.
അപര്‍ണാ ദാസ്, ജേക്കബ് ഗ്രിഗറി, കലേഷ് രാമാനന്ദ്, ആര്‍ദ്രാ മോഹന്‍, രഞ്ജിത്ത്, രഞ്ജി പണിക്കര്‍, ജയകൃഷ്ണന്‍, സുരേഷ് കുമാര്‍, അഭിരാം രാധാകൃഷ്ണന്‍, മണിക്കുട്ടന്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
എസ്.എന്‍ സ്വാമി തന്നെയാണ് ചിത്രത്തിന്റെ കഥയും തിരക്കഥയും ഒരുക്കിയത്. ചിത്രം ജൂലൈയിലാണ് തിയേറ്ററിലെത്തിയത്. ലക്ഷ്മി പാര്‍വതി വിഷന്റെ ബാനറില്‍ രാജേന്ദ്ര പ്രസാദാണ് ചിത്രം നിര്‍മ്മിക്കുന്നത്.
