latest news
അയോധ്യയിലെ വാനരന്മാര്‍ക്ക് ഭക്ഷണം നല്‍കാന്‍ അക്ഷയകുമാറിന്റെ വക ഒരുകോടി രൂപ
അയോധ്യയിലെ വാനരന്മാര്‍ക്ക് ഭക്ഷണം നല്‍കാനായി ഒരു കോടി രൂപ സംഭാവന നല്‍കിയ നടന്‍ അക്ഷയ കുമാര്‍. ആഞ്ജനേയ സേവ ട്രസ്റ്റിനാണ് അക്ഷയ്കുമാര്‍ ഈ തുക കൈമാറിയിരിക്കുന്നത്. ഒരു ദേശീയ മാധ്യമമാണ് അക്ഷയ്കുമാര്‍ ഇത്തരത്തില്‍ തുക കൈമാറിയ വിവരം റിപ്പോര്‍ട്ട് ചെയ്തിരിക്കുന്നത്.
പ്രതിദിനം നിരവധി കുരങ്ങുകളാണ് ഇവിടെനിന്ന് ഭക്ഷണം കഴിക്കുന്നത്. അതിനാല്‍ ദിവസവും 1200 ഓളം കുരങ്ങുകള്‍ക്ക് ഭക്ഷണം നല്‍കാനായുള്ള സഹായമാണ് അക്ഷയ്കുമാര്‍ നല്‍കിയിരിക്കുന്നത്.
തന്റെ മാതാപിതാക്കളായ ഹരി ഓമിന്റെയും അരുണ ഭാട്ടിയയുടെയും ഭാര്യ പിതാവ് രാകേഷ് ഖന്നയുടെയും പേരിലാണ് അക്ഷയ് കുമാര്‍ പണം കൈമാറിയത് എന്നാണ് ലഭിക്കുന്ന വിവരം. ദീപാവലിയോട് അനുബന്ധിച്ച് അക്ഷയകുമാര്‍ അയോധ്യയിലേക്ക് നല്‍കിയ സമ്മാനമാണ് ഇതൊന്നും റിപ്പോര്‍ട്ടുകള്‍ പറയുന്നു.
ഇതിന് മുമ്പും സമാനമായ രീതിയില്‍ അക്ഷയകുമാര്‍ ജീവകാരുണ്യ പ്രവര്‍ത്തനങ്ങള്‍ ചെയ്തിട്ടുണ്ട്. കഴിഞ്ഞമാസം ഹാജി അലി ദര്‍ഗ നവീകരണ പദ്ധതികള്‍ക്കായി അദ്ദേഹം 1.21 കോടി രൂപ സംഭാവന നല്‍കിയിരുന്നു
