Uncategorized
പോസ്റ്ററിനായി സ്വയം ക്യാന്‍വാസായി ഹന്നയും കലേഷും
പുതിയ ചിത്രത്തിന്റെ പോസ്റ്ററിനായി സ്വന്തം ശരീരം ക്യാന്‍വാസാക്കി മാറ്റി ഹന്ന റെജി കോശിയും നടന്‍ കലേഷ് രാമാനന്ദും. പുതിയ ചിത്രമായ ഫെയ്‌സസിന്റെ പോസ്റ്ററിനായാണ് ഇവര്‍ സ്വന്തം ശരീരം ക്യാന്‍വാസാക്കി മാറ്റിയത്.
പോസ്റ്ററില്‍ ടോപ്‌ലെസ് ആയാണ് നായകനും നായികയും എത്തിയത്. ഇപ്പോള്‍ പോസ്റ്ററിന്റെ ബിഹൈന്‍ഡ് ദി സീന്‍ വിഡിയോയും പുറത്തുവന്നിട്ടുണ്ട്. നിമിഷ നേരങ്ങള്‍ക്കുള്ളിലാണ് വീഡിയോ വൈറലായിരിക്കുന്നത്. യഥാര്‍ത്ഥ പെയിന്റിംഗ് കലാകാരന്മാരാണ് ഈ മനോഹര ദൃശ്യങ്ങള്‍ വരച്ചത്. വളരെയേറെ സമയമെടുത്താണ് ഇത് വരച്ചു തീര്‍ത്തത്. ഇതിനായി കലേഷും ഹന്നയും ക്ഷമയോടെ നില്‍ക്കുന്നതാണ് വീഡിയോയില്‍ കാണാന്‍ സാധിക്കുക.
നവാഗതനായ നീലേഷ് ഇ.കെ. സംവിധാനം ചെയ്യുന്ന ചിത്രം SVKA മൂവീസിന്റെ ബാനറില്‍ SKR, അര്‍ജുന്‍ കുമാര്‍, ജനനി എന്നിവര്‍ ചേര്‍ന്നാണ് നിര്‍മ്മിക്കുന്നത്. കഥ, തിരക്കഥ, സംഭാഷണം നിര്‍വഹിച്ചിരിക്കുന്നതും സുമന്‍ സുദര്‍ശനനും, നീലേഷും ചേര്‍ന്നാണ്. ബി.കെ. ഹരിനാരായണന്റെ വരികള്‍ക്ക് ഗോപി സുന്ദര്‍ ഈണം പകര്‍ന്നിരിക്കുന്നു. സരയു, അര്‍ജുന്‍ ഗോപാല്‍, ശിവജി ഗുരുവായൂര്‍, ആര്‍ജെ വിജിത, മറീന മൈക്കിള്‍, ലാലി, ടി.എസ്. സുരേഷ് ബാബു, ജയ കുറുപ്പ്, നിത പ്രോമി, ബിറ്റോ ഡേവിസ് എന്നിവരാണ് ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്
