latest news
അഞ്ചുകോടി തന്നില്ലെങ്കില്‍ ബാബാ സിദ്ധിഖിയെക്കാളും മോശം അവസ്ഥ വരും; സല്‍മാന്‍ഖാന് ഭീഷണി
ബോളിവുഡ് സൂപ്പര്‍ താരം സല്‍മാന്‍ഖാന് വീണ്ടും വധഭീഷണി. 5 കോടി നല്‍കിയില്ലെങ്കില്‍ ബാബാ സിദ്ധിഖിയേക്കാളും മോശം അവസ്ഥ സല്‍മാന്‍ ഖാന് വരുമെന്ന് ഭീഷണി സന്ദേശത്തില്‍ പറയുന്നു. പണം നല്‍കിയാല്‍ ലോറന്‍സ് ബിഷ്‌ണോയ്ക്ക് സല്‍മാനമായുള്ള ശത്രുത അവസാനിപ്പിക്കാമെന്നും പറയുന്നുണ്ട്.
ഇതുമായി ബന്ധപ്പെട്ട് ഒരു വാട്‌സാപ്പ് സന്ദേശമാണ് പോലീസിന് ലഭിച്ചത്. പണം നല്‍കിയില്ലെങ്കില്‍ മുന്‍ മന്ത്രിയും എന്‍സിപി നേതാവുമായ കൊല്ലപ്പെട്ട ബാബ സിദ്ധിഖിയുടേതിനേക്കാള്‍ മോശമാകും സല്‍മാന്‍ ഖാന്റെ അവസ്ഥയെന്നും സന്ദേശത്തില്‍ പറയുന്നു. ഇതൊന്നും നിസാരമായി കാണരുത്. ലോറന്‍സ് ബിഷ്‌ണോയിയുമായുള്ള ശത്രുത അവസാനിപ്പിക്കാനും ജീവനോടെ തുടരാനും സല്‍മാന്‍ ഖാന് 5 കോടി രൂപ നല്‍കണം. പണം നല്‍കിയില്ലെങ്കില്‍ ബാബ സിദ്ധിഖിയുടെ അവസ്ഥയേക്കാള്‍ മോശമാകും’ മുംബൈ ട്രാഫിക് പോലീസിന് ലഭിച്ച ഭീഷണി സന്ദേശത്തില്‍ വ്യക്തമാക്കുന്നു. ബിഷ്‌ണോയിയുടെ സംഘത്തില്‍പ്പെട്ടവരാണ് ബാബ സിദ്ധിഖിയെ കൊലപ്പെടുത്തിയത്.
കഴിഞ്ഞ കുറച്ച് മാസങ്ങളായി ബിഷ്‌ണോയ് സംഘത്തില്‍ നിന്ന് സല്‍മാന്‍ ഖാന് നിരന്തരം ഭീഷണി നേരിടുന്നു . ഏപ്രില്‍ 14 ന് ബാന്ദ്രയിലെ നടന്റെ വസതിക്ക് പുറത്ത് രണ്ട് ഷൂട്ടര്‍മാര്‍ അഞ്ച് റൗണ്ട് വെടിയുതിര്‍ത്തതിന് മാസങ്ങള്‍ക്ക് ശേഷമാണ് ബാബ സിദ്ദിഖി കൊല്ലപ്പെട്ടത്. 1998ല്‍ സല്‍മാന്‍ ഖാന് രണ്ട് കൃഷ്ണമൃഗങ്ങളെ വേട്ടയാടി കൊന്നതാണ് ഈ സംഘര്‍ഷത്തിന്റെ പ്രധാന കാരണം. ഇന്ത്യയിലെ മത വിഭാഗങ്ങളിലൊന്നായ ബിഷ്‌ണോയികള്‍ ദൈവതുല്യമായിട്ടാണ് കൃഷ്ണ മൃഗത്തെ കണക്കാക്കുന്നത്. തങ്ങളുടെ ഗുരുവായ ജംബാജിയുടെ പുനര്‍ജ്ജന്മമായാണ് ഇവര്‍ കൃഷ്ണമൃഗത്തെ കണക്കാക്കുന്നത്.
സല്‍മാന്‍ ഖാന്റെ പിതാവും പ്രമുഖ തിരക്കഥാകൃത്തുമായ സലിം ഖാന് നേരെയും വധഭീഷണിയുണ്ടായിരുന്നു. പ്രഭാത സവാരിക്കിടെ ബാന്ദ്രയില്‍ വച്ച് ബൈക്കിലെത്തിയ ദമ്പതികള്‍ ഭീഷണിപ്പെടുത്തുകയായിരുന്നു. ജയിലില്‍ കഴിയുന്ന ഗുണ്ടാത്തലവന്‍ ലോറന്‍സ് ബിഷ്‌ണോയിയെ അയക്കട്ടെ എന്ന് പറഞ്ഞായിരുന്നു ഭീഷണി.രാവിലെ വീടിനടിത്തുള്ള ബെഞ്ചില്‍ ഇരിക്കുന്ന സലിം ഖാന്റെ മുന്നിലേക്ക് ബൈക്കിലെത്തിയ ദമ്പതികള്‍ വണ്ടി നിര്‍ത്തി ഭീഷണി മുഴക്കുകയായിരുന്നു. സിസിടിവ
