latest news
ബൈക്ക് യാത്രികനെ ഇടിച്ച് കാര്‍ നിര്‍ത്താതെ പോയി; ശ്രീനാഥ് ഭാസിക്കെതിരെ കേസ്
ബൈക്ക് യാത്രികനെ ഇടിച്ചതിനുശേഷം കാര്‍ നിര്‍ത്താതെ പോയ സംഭവത്തില്‍ ശ്രീനാഥ് ഭാസിക്കെതിരെ പോലീസ് കേസെടുത്തു. കഴിഞ്ഞ മാസമായിരുന്നു സംഭവം നടന്നത്. മട്ടാഞ്ചേരി സ്വദേശി മുഹമ്മദ് ഫഹീമിനെ ആയിരുന്നു കാറിടിച്ചത്. തുടര്‍ന്ന് ശ്രീനാഥ് ഭാസിയുടെ വാഹനം നിര്‍ത്താതെ പോവുകയായിരുന്നു. സെന്‍ട്രല്‍ പോലീസാണ് കേസെടുത്ത് അന്വേഷണ ആരംഭിച്ചിരിക്കുന്നത്.
കേസുമായി ബന്ധപ്പെട്ട കാറില്‍ ഉണ്ടായിരുന്നവരെ കുറിച്ചും പോലീസ് അന്വേഷണം ആരംഭിച്ചിട്ടുണ്ട്. എന്നാല്‍ ഇതുമായി ബന്ധപ്പെട്ട് പ്രതികരിക്കാന്‍ ശ്രീനാഥ് ഭാസി ഇതുവരെ തയ്യാറായിട്ടില്ല.
ഗുണ്ടാ നേതാവ് ഓം പ്രകാശ് നടത്തിയ ലഹരി പാര്‍ട്ടിയില്‍ പങ്കെടുത്ത സംഭവവുമായി ബന്ധപ്പെട്ട് ശ്രീനാഥ് ഭാസയ്‌ക്കെതിരെ നിലവില്‍ അന്വേഷണം നടക്കുകയാണ്. പോലീസ് ശ്രീനാഥ് ഭാസിയെയും പ്രയാഗ മാര്‍ട്ടിനേയും ചോദ്യം ചെയ്യുകയും ചെയ്തിരുന്നു. ഇവര്‍ രണ്ടു പേരും ആഡംബര ഹോട്ടലില്‍ എത്തിയത് 4 മണിക്കാണ്. ഇവര്‍ ഏഴുമണിയോടെ മടങ്ങുകയും ചെയ്തിരുന്നു. ഹോട്ടലിലെ സിസിടിവി ദൃശ്യങ്ങള്‍ അടക്കം പരിശോധിച്ചാണ് പ്രയാഗയേയും ശ്രീനാഥ് ഭാസിയേയും പോലീസ് ചോദ്യം ചെയ്തത്. എന്നാല്‍ ഇവര്‍ക്ക് രണ്ടുപേര്‍ക്കും ഓംപ്രകാശിനെ പരിചയമില്ല എന്നാണ് നിലവില്‍ വ്യക്തമായിരിക്കുന്നത്. ഇതിനിടെയാണ് ശ്രീനാഥ് ഭാസിക്കെതിരെ പോലീസ് ഇത്തരത്തില്‍ ഒരു കേസ് കൂടി രജിസ്റ്റര്‍ ചെയ്തിരിക്കുന്നത്.
