latest news
സിനിമ കാണാന്‍ 10000 വേണ്ട; കരണ്‍ ജോഹറിന്റെ ആരോപണത്തില്‍ മറുപടിയുമായി മള്‍ട്ടിപ്ലസ് അസോസിയേഷന്‍
ഇന്ത്യയില്‍ ഒരു കുടുംബത്തിന് തിയേറ്ററില്‍ സിനിമ കണ്ടു വരാന്‍ 10000 രൂപ വേണ്ടി വരും എന്ന കരണ്‍ ജോഹറിന്റെ ആരോപണത്തില്‍ മറുപടിയുമായി മള്‍ട്ടിപ്ലസ് അസോസിയേഷന്‍ ഓഫ് ഇന്ത്യ. ഇന്ത്യയിലെ ഒരു നാലംഗ കുടുംബത്തിന് ഒരു സിനിമ കണ്ടു വരാന്‍ ഇതിന്റെ പത്തിലൊന്ന് ചെലവ് മാത്രമാണ് ആവശ്യം എന്നാണ് മള്‍ട്ടിപ്ലസ് അസോസിയേഷന്‍ പറയുന്നത്.
ഒരു നാലംഗ കുടുംബത്തിന് ഇന്ത്യയില്‍ സിനിമ കാണുന്നതിന് ശരാശരി 1560 രൂപ മാത്രമാണ് ചെലവായി വരുന്നത് എന്നാണ് ഇവര്‍ പ്രസ്താവനയില്‍ അറിയിച്ചിരിക്കുന്നത്
ഇന്ത്യയിലെ ശരാശരി സിനിമാ ടിക്കറ്റ് നിരക്ക് 130 രൂപയാണ്. 2023-2024 കാലയളവില്‍ രാജ്യത്തെ ഏറ്റവും വലിയ മള്‍ട്ടിപ്ലസ് ശൃംഖലയായ പി വി ആര്‍ ഇനോക്‌സിന്റെ ശരാശരി ടിക്കറ്റ് നിരക്ക് 258 രൂപയാണ്. മള്‍ട്ടിപ്ലക്‌സുകളില്‍ ഇതേ കാലയളവില്‍ ശരാശരി 132 രൂപ വരെയാണ് ഭക്ഷണവിഭവ നിരക്കില്‍ ഒരാളുടെ ചെലവ് എന്നുമാണ് മള്‍ട്ടിപ്ലസ് പറയുന്നത്.
