latest news
അതൊന്നും ഞാന്‍ മനപ്പൂര്‍വ്വം പറയുന്നതല്ല; തഗ് മറുപടികളെ കുറിച്ച് നിഖില
Published on
സിനിമയിലും സോഷ്യല്‍ മീഡിയയിലും ഏറെ ആരാധകരുള്ള താരമാണ് നിഖില വിമല്‍. അഭിമുഖങ്ങളില്‍ നിഖില സംസാരിക്കുന്നത് പലപ്പോഴും തഗ് ആയി മാറാറുണ്ട്. അതേ കുറിച്ച് ഒരു അഭിമുഖത്തില്‍ നിഖില പറഞ്ഞ വാക്കുകളാണ് ഇപ്പോള്‍ സോഷ്യല്‍ മീഡിയയില്‍ ചിരി പടര്‍ത്തുന്നത്.
‘ എന്റെ ബേസിക് പ്രശ്‌നങ്ങളില്‍ ഒന്ന് എനിക്ക് പെട്ടന്ന് പെട്ടന്ന് ഓരോ കാര്യങ്ങള്‍ ഉള്ളില്‍ വരും. പണ്ട് മുതല്‍ ഇത് മൈന്‍ഡ് വോയിസ് ആയിരുന്നു. ഇപ്പഴാണ് അത് പുറത്തുവന്നു തുടങ്ങിയത്. പുറത്തുവന്നപ്പോള്‍ അത് വല്ലാതെ പുറത്തുവരാന്‍ തുടങ്ങി. എനിക്ക് നിയന്ത്രിക്കാന്‍ പറ്റുന്നില്ല. അറിഞ്ഞു കൊണ്ട് വരുന്നതല്ല,’ നിഖില പറഞ്ഞു.
തമിഴ് സിനിമ വാഴൈ ആണ് നിഖിലയുടേതായി ഒടുവില്‍ റിലീസ് ചെയ്തത്. ചിത്രത്തിലെ നിഖിലയുടെ അഭിനയം ഏറെ പ്രശംസിക്കപ്പെട്ടിരുന്നു. കഥ ഇന്നുവരെ എന്ന ചിത്രമാണ് ഇനി തിയറ്ററുകളില്‍ എത്താനുള്ളത്.
