കന്നഡ സിനിമയിലെ ലൈംഗികാതിക്രമങ്ങള്‍ അന്വേഷിക്കാന്‍ മുഖ്യമന്ത്രിക്ക് കത്ത്

സിനിമ മേഖലയിലെ ലൈംഗിക അതിക്രമങ്ങളെ പറ്റി അന്വേഷിക്കാന്‍ ഹേമ കമ്മിറ്റിക്ക് സമാനമായ സമിതി വേണമെന്നാവശ്യപ്പെട്ട് കന്നട സിനിമ താരങ്ങള്‍. കന്നഡ ചലച്ചിത്ര സംഘടന ഫിലിം ഇന്‍ഡസ്ട്രി ഫോര്‍ റൈറ്റ്‌സ് ആന്‍ഡ് ഇക്വാലിറ്റി (ഫയര്‍) ഇത് സംബന്ധച്ച് മുഖ്യമന്ത്രി സിദ്ധരാമയ്യയ്ക്ക് കത്തയച്ചിരിക്കുന്നത്.

സ്ത്രീകള്‍ക്ക് നേരെയുണ്ടാകുന്ന ലൈംഗിക ചൂഷണങ്ങള്‍ ഉള്‍പ്പെടെ അന്വേഷിക്കാന്‍ റിട്ട. സുപ്രീം കോടതി ജഡ്ജിയുടെയോ റിട്ട. ഹൈക്കോടതി ജഡ്ജിയുടെയോ നേതൃത്വത്തിലുള്ള സമിതിയെ നിയോഗിക്കണമെന്നാണ് സമിതി ആവശ്യപ്പെട്ടിരിക്കുന്നത്.

നടനും സാമൂഹിക പ്രവര്‍ത്തകനുമായ ചേതന്‍ അഹിംസയുടെ നേതൃത്വത്തിലാണ് ഈ കത്ത് തയ്യാറാക്കിയത്. കത്തില്‍ നടന്‍ സുദീപുള്‍പ്പെടെ 153 പേര്‍ ഒപ്പിട്ടിട്ടുണ്ട്.