latest news
താന്‍ ഭാഗ്യമില്ലാത്ത നടനെന്ന് പലരും പറഞ്ഞു: അനൂപ് മേനോന്‍
സിനിമകളില്‍ താന്‍ അനുഭവിച്ച പ്രതിസന്ധി തുറന്നു പറഞ്ഞ് നടന്‍ അനൂപ് മേനോന്‍.. വിനിയന്‍ സംവിധാനം ചെയ്ത കാട്ടുചെമ്പകം എന്ന സിനിമയിലൂടെ ആയിരുന്നു അനൂപ് സിനിമ രംഗത്തേക്ക് എത്തിയത്. എന്നാല്‍ പ്രതീക്ഷിച്ചത് വിജയം കൈവരിക്കാന്‍ സിനിമയ്ക്ക് സാധിച്ചില്ല. ചിത്രം ബോക്‌സ് ഓഫീസില്‍ പരാജയപ്പെട്ടതോടെ തനിക്ക് സിനിമ ജീവിതത്തില്‍ വലിയ പ്രതിസന്ധികള്‍ നേരിടേണ്ടി വന്നതായാണ് അനൂപ് മേനോന്‍ പറയുന്നത്.
കാട്ടുചെമ്പകം പരാജയപ്പെട്ടതോടെ പിന്നീട് ആറ് വര്‍ഷം തനിക്ക് ഒരു വേഷവും ലഭിച്ചില്ല. അതിനുശേഷം രഞ്ജിത്തിന്റെ തിരക്കഥയിലൂടെയാണ് താന്‍ വീണ്ടും അഭിനയരംഗത്തേക്ക് എത്തിയത്. ആദ്യ സിനിമ തന്നെ പരാജയപ്പെട്ടപ്പോള്‍ ഭാഗ്യമില്ലാത്ത നടന്‍ എന്നാണ് പലരും തന്നെ വിശേഷിപ്പിച്ചത്.
അതിന്റെ പേരില്‍ പിന്നീട് തുടര്‍ച്ചയായി പല സിനിമകളില്‍ നിന്നും തന്നെ മാറ്റി നിര്‍ത്തി. അതുവരെ വിനയന്റെ സിനിമകളെല്ലാം വലിയ ഹിറ്റായിരുന്നു അതിനാല്‍ തന്നെ എല്ലാവരും വലിയ പ്രതീക്ഷയായിരുന്നു നല്‍കിയത്. എന്നാല്‍ പ്രതീക്ഷകള്‍ക്ക് വിപരീതമായാണ് കാര്യങ്ങള്‍ സംഭവിച്ചത് എന്നുമാണ് അനൂപ് മേനോന്‍ പറയുന്നത്.
