latest news
സിനിമയില്‍ മോശം അനുഭവമുണ്ടായിട്ടില്ല: ഗ്രേസ് ആന്റണി
കുമ്പളങ്ങി നൈറ്റ്‌സ് എന്ന സിനിമയിലൂടെ പ്രേക്ഷകര്‍ക്ക് പ്രിയങ്കരിയായി മാറിയ നടിയാണ് ഗ്രേസ് ആന്റണി. ചിത്രത്തില്‍ ഫഹ് ഫാസിലിന്റെ ഭാര്യയുടെ കഥാപാത്രമായിരുന്നു താരം അവതരിപ്പിച്ചത്.
തമാശ (2019), ഹലാല്‍ ലവ് സ്റ്റോറി (2020), സാജന്‍ ബേക്കറി (2021), റോഷാക്ക് (2022) തുടങ്ങിയ ചിത്രങ്ങളില്‍ നല്ല വേഷങ്ങള്‍ ചെയ്യാന്‍ ഗ്രേസിന് സാധിച്ചിട്ടുണ്ട്. 2020ല്‍ ക്‌നോളജ് എന്ന പേരില്‍ 15 മിനിറ്റ് ദൈര്‍ഘ്യമുള്ള ഒരു ഹ്രസ്വചിത്രം തിരക്കഥയെഴുതി സംവിധാനം ചെയ്തിട്ടുമുണ്ട്.
ഇപ്പോള്‍ സിനിമയില്‍ തനിക്ക് കാസ്റ്റിങ് കൗച്ചോ മറ്റ് ദുരനുഭവങ്ങളോ ഉണ്ടായിട്ടില്ലെന്നാണ് താരം പറയുന്നത്. ഓഡിഷന്‍ വഴിയാണ് താന്‍ സിനിമ രംഗത്തേക്ക് വന്നത്. ഇപ്പോഴും സിനിമയില്‍ നന്നായി പ്രവര്‍ത്തിക്കാന്‍ കഴിയുന്നുണ്ട്. മോശമായ അനുഭവങ്ങള്‍ ഒന്നും തന്നെ തനിക്ക് ഇതുവരെ ഉണ്ടായിട്ടില്ല എന്നുമാണ് ഗ്രേസ് ആന്റണി വ്യക്തമാക്കുന്നത്.
ഹാപ്പി വെഡിങ് ആയിരുന്നു തന്റെ ആദ്യസിനിമ. അതിലെ അഭിനയം കണ്ടാണ് മറ്റ് പല സിനിമകളിലും തനിക്ക് അവസരം ലഭിച്ചത്. അഭിനയിച്ച സിനിമകളില്‍ എല്ലാം ലൊക്കേഷനില്‍ താമസവും മറ്റു അനുബന്ധ സൗകര്യങ്ങളും എല്ലാം സിനിമയുടെ അണിയറ പ്രവര്‍ത്തകര്‍ തന്നെ തനിക്ക് ഒരുക്കി നല്‍കിയിട്ടുണ്ടെന്ന് താരം പറയുന്നു.
