latest news
ഞാന്‍ സിംഗിള്‍ അല്ല: കീര്‍ത്തി സുരേഷ്
ആരാധകര്‍ക്ക് ഏറെ പ്രിയങ്കരിയായ നടിയാണ് കീര്‍ത്തി സുരേഷ്. കുട്ടിക്കാലത്ത് തന്നെ അഭിനയ രംഗത്തേക്ക് കടന്നു വന്ന കീര്‍ത്തി സുരേഷ് ഇപ്പോള്‍ മലയാളത്തില്‍ നിന്നും മാറി തെന്നിന്ത്യന്‍ സിനമാലോകം കീഴടക്കിയിരിക്കുകയാണ്. അന്യഭാഷകളില്‍ നല്ല വേഷങ്ങളാണ് താരത്തെ തേടി എത്തുന്നത്.
ലീഡ് റോളില്‍ ആദ്യമായി കീര്‍ത്തി സുരേഷ് അഭിനയിക്കുന്നത് മോഹന്‍ലാല്‍ ചിത്രം ഗീതഞ്ജലിയിലാണ്. റിങ് മാസ്റ്ററിലെ പ്രകടനം ശ്രദ്ധ നേടിയതോടെ താരം തമിഴിലേക്കും തെലുങ്കിലേക്കും ചുവട് മാറ്റി.
പ്രണയത്തെക്കുറിച്ചും പ്രണയ ബന്ധങ്ങളെക്കുറിച്ചുമുള്ള നിലപാട് തുറന്നു പറയുകയാണ് താരം ഇപ്പോള്‍. ഭാവിയിലെ ജീവിതപങ്കാളി എങ്ങനെയായിരിക്കണം എന്ന ചോദ്യത്തിന് മറുപടി പറയവെയാണ് പ്രണയത്തെ കുറിച്ചുള്ള താരത്തിന്റെ തുറന്നു പറച്ചില്‍. ഭാവിയിലെ ജീവിതപങ്കാളി ഗിവ് ആന്റ് ടേക്ക് ആയിരിക്കണം എന്നാണ് താരം പറയുന്നത്. ലവ് എന്നത് ജീവിതകാലത്തേക്കുള്ള സ്‌നേഹമാണ്. അതിനാല്‍ പരസ്പരം മനസ്സിലാക്കുന്ന സുഹൃത്തുക്കള്‍ ആയിരിക്കുന്നതാണ് നല്ലതെന്നാണ് താരം പറയുന്നത്. സിംഗിള്‍ റിലേഷന്‍ഷിപ്പ് സ്റ്റാറ്റസില്‍ ഒരിക്കലും ഞാന്‍ ആശങ്കപ്പെടുന്നില്ല. എന്നാല്‍ ഒരിക്കലും ഞാന്‍ സിംഗിള്‍ ആണെന്ന് പറഞ്ഞിട്ടില്ലെന്നും കീര്‍ത്തി സുരേഷ് പറയുന്നു.
