latest news
ഷെയ്ന്‍ നിഗത്തിന്റെ ‘മദ്രാസ്‌കാരന്‍’ ടീസര്‍ പുറത്തിറങ്ങി
Published on
ഷെയ്ന്‍ നിഗം നായകനായെത്തുന്ന ആദ്യ തമിഴ് ചിത്രം മദ്രാസ്‌കാരന്റെ ടീസര്‍ പുറത്തിറങ്ങി. ആക്ഷന്‍ ത്രില്ലറായാണ് ചിത്രം പുറത്തിറങ്ങുന്നത്. ചിത്രത്തില്‍ ഷെയ്ന്‍ നിഗത്തിന് പുറമെ കലൈയരസനും നിഹാരിക കൊനിദേലയും പ്രധാന വേഷങ്ങളില്‍ എത്തുന്നുണ്ട്.
വാലി മോഹന്‍ദാസ് ആണ് ചിത്രം സംവിധാനം ചെയ്തിരിക്കുന്നത്. ഷെയ്‌നിന്റെ വേഷത്തെക്കുറിച്ച് വലിയ പ്രതീക്ഷ നല്‍കുന്നതും ആരാധകരുടെ മനം കവരുന്നതുമാണ് ചിത്രത്തിന്റെ പുറത്തുവന്നിരിക്കുന്ന ടീസര്‍.
എസ് ആര്‍ പ്രൊഡക്ഷന്‍സിന്റെ ബാനറില്‍ ബി. ജഗദീഷ് നിര്‍മിക്കുന്ന ചിത്രം ത്രില്ലറാണ്. സാം സി.എസ്. ചിത്രത്തിന് സംഗീതം നിര്‍വഹിക്കുമ്പോള്‍ പ്രസന്ന എസ്. കുമാര്‍ ഛായാഗ്രഹണം നിര്‍വഹിക്കുന്നു.
