latest news
‘കുറച്ച് കൂടുന്നുണ്ട്’; സന്തോഷ് വര്‍ക്കിയെ സ്റ്റേഷനിലേക്ക് വിളിപ്പിച്ച് പൊലീസ്, പരാതി നല്‍കിയത് ഈ താരം !
ആറാട്ട് അണ്ണന്‍ എന്ന് അറിയപ്പെടുന്ന സിനിമ റിവ്യുവര്‍ സന്തോഷ് വര്‍ക്കിയെ താക്കീത് ചെയ്തു പൊലീസ്. സിനിമാ താരങ്ങള്‍ക്കെതിരെ തുടര്‍ച്ചയായി അശ്ലീല പരാമര്‍ശം നടത്തുന്നതിനിതെരെ നടന്‍ ബാല പൊലീസില്‍ പരാതി നല്‍കിയിരുന്നു. ഇതേ തുടര്‍ന്നാണ് പാലാരിവട്ടം പൊലീസ് സന്തോഷ് വര്‍ക്കിക്ക് താക്കീത് നല്‍കിയത്.
സിനിമാ താരങ്ങളേയും അവരുടെ കുടുംബാംഗങ്ങളേയും അപമാനിക്കുന്ന തരത്തില്‍ സന്തോഷ് വര്‍ക്കി പരാമര്‍ശങ്ങള്‍ നടത്തുന്നതായി ബാലയുടെ പരാതിയില്‍ പറയുന്നു. താരസംഘടനയായ അമ്മയിലും ബാല പരാതി നല്‍കിയിട്ടുണ്ട്.
പരാതിക്ക് പിന്നാലെ സന്തോഷ് വര്‍ക്കിയെ പൊലീസ് സ്റ്റേഷനിലേക്ക് വിളിച്ചുവരുത്തി മേലില്‍ ഇത്തരം കാര്യങ്ങള്‍ ആവര്‍ത്തിക്കില്ലെന്ന് എഴുതി ഒപ്പിട്ടു വാങ്ങിക്കുകയായിരുന്നു. ഇനി ആവര്‍ത്തിച്ചാല്‍ കേസെടുക്കുമെന്ന് മുന്നറിയിപ്പ് നല്‍കിയിട്ടുണ്ട്. അതേസമയം താന്‍ സന്തോഷ് വര്‍ക്കിക്ക് തെറ്റ് തിരുത്താനുള്ള അവസരമാണ് നല്‍കിയതെന്ന് ബാല പറഞ്ഞു.
