latest news
സിനിമാ പ്രേമികള്‍ക്കായി വീണ്ടും മണിച്ചിത്രത്താഴ് എത്തുന്നു
Published on
മണിച്ചിത്രത്താഴ് വീണ്ടും റീ റിലീസിന് ഒരുങ്ങുന്നു. ഓഗസ്റ്റ് 17 നാണ് 4k മികവോടെ മണിച്ചിത്രത്താഴ് വീണ്ടും തിയേറ്ററില്‍ എത്തുന്നത്. ശോഭന ആയിരുന്നു ചിത്രത്തിന്റെ റി റിലീസിംഗ് തീയതി ആരാധകര്‍ക്കായി അറിയിച്ചിരിക്കുന്നത്.
കഴിഞ്ഞദിവസം ഫോര്‍ കെ മികവോടെ ചിത്രത്തിന്റെ ടീസറും റിലീസ് ചെയ്തിരുന്നു. വലിയ വരവേല്‍പ്പാണ് സോഷ്യല്‍ മീഡിയയില്‍ ഇതിന്റെ ടീസര്‍ ലഭിച്ചത്. ഹൊറര്‍ ത്രില്ലര്‍ മോഡിലാണ് ആണ് ടീസര്‍ പുറത്തിറക്കിയിരിക്കുന്നത്. ടീസര്‍ കണ്ട് ഇതിനെ പ്രശംസിച്ചും സിനിമയുടെ ഓര്‍മ്മകള്‍ പങ്കുവെച്ച് നിരവധി പേരാണ് വീഡിയോയ്ക്ക് താഴെ കമന്റ് ചെയ്തിരിക്കുന്നത്. യൂട്യൂബില്‍ വീഡിയോ ട്രെന്‍ഡിങ് ആയി മാറിയിട്ടും ഉണ്ട്.
1993 ഫാസിലിന്റെ സംവിധാനത്തില്‍ പുറത്തിറങ്ങിയ മലയാളത്തിലെ ഏറ്റവും മികച്ച ചിത്രങ്ങളില്‍ ഒന്നായിരുന്നു മണിച്ചിത്രത്താഴ്.
