latest news
സുധിയെ വെച്ച് കുറേ നേടുന്നുണ്ടല്ലോ? പുതിയ വാഹനം വാങ്ങിയ ലക്ഷ്മി നക്ഷത്രയ്ക്ക് സൈബര്‍ ആക്രമണം
ആരാധകര്‍ക്ക് ഏറെ പ്രിയങ്കരിയായ അവതാരികയാണ് ലക്ഷ്മി നക്ഷത്ര. ടെലിവിഷന്‍ അവതാരകയായും റേഡിയോ ജോക്കിയായുമെല്ലാമായി മലയാളികള്‍ക്ക് സുപരിചിതയാണ് ലക്ഷ്മി നക്ഷത്ര
സോഷ്യല്‍ മീഡിയയിലും സജീവ സാനിധ്യമാണ് ലക്ഷ്മി. തന്റെ ഇന്‍സ്റ്റാഗ്രാം പേജില്‍ കൃത്യമായ ഇടവേളകളില്‍ ചിത്രങ്ങള്‍ പങ്കുവെക്കാനും റീല്‍സ് വീഡിയോകളും ഐജിടിവി വീഡിയോകള്‍ പോസ്റ്റ് ചെയ്യാനും ലക്ഷ്മി ശ്രദ്ധിക്കാറുണ്ട്.
കൊല്ലം സുധി മരിച്ചതിനു പിന്നാലെ അദ്ദേഹത്തിന്റെ കുടുംബത്തെ വെച്ചും താരം വീഡിയോ ചെയ്യാറുണ്ട്. ഇപ്പോള്‍ പുതിയ വാഹനം വാങ്ങിയ ലക്ഷ്മി നക്ഷത്രയ്ക്ക് വലിയ സൈബര്‍ ആക്രമണം നേരിടേണ്ടി വരുന്നത്. സുധിയെ വെച്ച് കുറേ നേടുന്നുണ്ടല്ലോ… സിസി അടവാകുമ്പോള്‍ വീണ്ടും സുധിയെ ഓര്‍ക്കും, അടുത്ത വണ്ടി എടുക്കാനാകുമ്പോള്‍ വീണ്ടും വരും എന്റെ സുധിയേട്ടന്‍ എന്നും പറഞ്ഞ്, സുധി ചേട്ടനെ വെച്ച് മാര്‍ക്കറ്റ് ഉണ്ടാക്കി മേടിച്ച വണ്ടി, എല്ലാം സുധി ചേട്ടന്റെ അനുഗ്രഹം എന്നിങ്ങനെയാണ് താരത്തിന് നേരെയുള്ള കമന്റുകള്‍.
