latest news
നെഗറ്റീവ് കഥാപാത്രങ്ങള്‍ ചെയ്യാന്‍ സന്തോഷമാണ്: ആസിഫ് അലി
മലയാളികള്‍ക്ക് ഏറെ പ്രിയങ്കരനായ നടനാണ് ആസിഫ് അലി.പുതുമുഖങ്ങളെ അണിനിരത്തി ശ്യാമപ്രസാദ് സംവിധാനം ചെയ്ത ഋതു എന്ന ചിത്രത്തിലെ ‘സണ്ണി ഇമട്ടി’ എന്ന കഥാപാത്രമായാണ് ആസിഫ് അലി സിനിമയിലേക്ക് എത്തുന്നത്.
രണ്ടാമത്തെ ചിത്രം സത്യന്‍ അന്തിക്കാടിന്റെ അന്‍പതാം ചിത്രമായ ‘കഥ തുടരുന്നു’ എന്ന സിനിമയായിരുന്നു. ഇദ്ദേഹത്തിന്റെ മൂന്നാമത്തെ ചിത്രം സിബി മലയില്‍ സംവിധാനം ചെയ്ത അപൂര്‍വരാഗമായിരുന്നു. ആസിഫ് അലിക്ക് പ്രശസ്തി നേടി കൊടുത്ത ഒരു സിനിമയായിരുന്നു ഇത്. പിന്നീട് ബെസ്റ്റ് ഓഫ് ലക്ക്, ഇതു നമ്മുടെ കഥ, വയലിന്‍ എന്നീ സിനിമകളില്‍ ഇദ്ദേഹം നായകനായി. ട്രാഫിക്, സോള്‍ട്ട് ആന്റ് പെപ്പര്‍ എന്ന ചിത്രങ്ങളിലൂടെ ഇദ്ദേഹം കൂടുതല്‍ ശ്രദ്ധേയനായി. ഈ സിനിമകള്‍ വന്‍ വിജയങ്ങളുമായിരുന്നു.
ഇപ്പോള്‍ നെഗറ്റീവ് കഥാപാത്രങ്ങള്‍ ചെയ്യാന്‍ തനിക്ക് സന്തോഷം മാത്രമേ ഉള്ളൂ എന്ന് പറയുകയാണ് താരം. ഇടി കൊള്ളുന്ന വില്ലനാകാന്‍ താല്പര്യമില്ല. ഉയരെ, ഓര്‍ഡിനറി തുടങ്ങിയ സിനിമകളില്‍ ചെയ്തതു പോലെ നെഗറ്റീവ് കഥാപാത്രങ്ങള്‍ ചെയ്യുന്നതിലെനിക്ക് സന്തോഷമേയുള്ളൂ. അങ്ങനെയുള്ള കഥാപാത്രങ്ങള്‍ ചെയ്യുമ്പോള്‍ പിന്നീട് വരുന്ന എന്റെ സിനിമയിലെ കഥാപാത്രങ്ങളേക്കുറിച്ച് പ്രേക്ഷകര്‍ക്ക് ഒരു മുന്‍ധാരണയുണ്ടാകില്ല എന്നുമാണ് താരം പറയുന്നത്.
