latest news
മേനോന്‍ ജാതിപ്പേരല്ല; നിത്യ മേനോന്‍
Published on
തെന്നിന്ത്യയൊട്ടാകെ ആരാധകരുള്ള നടിയാണ് നിത്യാ മേനോന്‍. അഭിനയിച്ച ഭാഷകളിലെല്ലാം ഒരുപോലെ തിളങ്ങാനും മുന്‍നിര താരമായി പേരെടുക്കാനും നിത്യക്ക് കഴിഞ്ഞിട്ടുണ്ട്. ബാലതാരമായി സിനിമയിലേക്ക് എത്തിയ താരം തന്റെ സ്വാഭാവിക അഭിനയം കൊണ്ടാണ് പ്രേക്ഷകര്‍ക്ക് പ്രിയങ്കരിയായി മാറിയത്.
തെന്നിന്ത്യയിലെ ഒട്ടുമിക്ക സൂപ്പര്‍ താരങ്ങളുടെ നായികയായും അഭിനയിച്ചിട്ടുള്ള നിത്യക്ക് നിരവധി ഹിറ്റ് സിനിമകളുടെ ഭാഗമാകാനും കഴിഞ്ഞു. തെന്നിന്ത്യയിലെ അറിയപ്പെടുന്ന നായികയായി മാറിയതിന് പിന്നാലെ നിരവധി ഗോസിപ്പുകളും താരത്തിന് നേരിടേണ്ടി വന്നിട്ടുണ്ട്.
തന്റെ പേരിനൊപ്പമുള്ള മേനോന്‍ ജാതിപ്പേരല്ലെന്ന് പറയുകയാണ് താരം. എന്റെ കുടുംബത്തില്‍ ആര്‍ക്കും സര്‍ നേം വേണ്ടായിരുന്നു. മേനോന്‍ എന്ന് ഞാന്‍ ഇട്ടതാണ്. അതൊരു സര്‍ നേം അല്ല എന്നും താരം പറയുന്നു.
