latest news
15 വര്‍ഷമായി ഹോട്ടല്‍ ഭക്ഷണം കഴിക്കുന്ന ആളാണ് താന്‍; ഫിറ്റ്‌നസ്സ് രഹസ്യം പങ്കുവെച്ച് ഉണ്ണി മുകുന്ദന്
ചുരുങ്ങിയകാലം കൊണ്ട് സിനിമയില്‍ നല്ല വേഷങ്ങള്‍ ചെയ്യാന്‍ സാധിച്ച താരമാണ് ഉണ്ണി മുകുന്ദന്. 2002ലെ മലയാളം സിനിമയായ നന്ദനത്തിന്റെ തമിഴ് റീമേക്കായ സീദന്‍ എന്ന ചിത്രത്തിലൂടെയാണ് ഉണ്ണി മുകുന്ദന്റെ സിനിമാ പ്രവേശനം. 2011ല്‍ റിലീസായ ബോംബേ മാര്‍ച്ച് 12 എന്ന സിനിമയിലൂടെ മലയാളത്തില്‍ അരങ്ങേറ്റം കുറിച്ചു. ഈ ചിത്രത്തിലെ അഭിനയത്തിന് നിരവധി അവാര്‍ഡുകള്‍ ലഭിച്ചു.
തുടര്‍ന്ന് ബാങ്കോക്ക് സമ്മര്‍, തത്സമയം ഒരു പെണ്‍കുട്ടി എന്നീ ചിത്രങ്ങളില്‍ അഭിനയിച്ച ഉണ്ണി മുകുന്ദന് 2012ല്‍ റിലീസായ മല്ലൂസിംഗ് എന്ന സിനിമയില്‍ നായകനായി. മല്ലൂസിംഗിന്റെ വലിയ വിജയം ഒരു പിടി സിനിമകളില്‍ നായക വേഷം ചെയ്യാന്‍ ഉണ്ണി മുകുന്ദന് അവസരമൊരുക്കി.
ഇപ്പോള്‍ തന്റെ ഫിറ്റ്‌നസ് രഹസ്യം പങ്കുവെക്കുകയാണ് താരം. കൃത്യമായി ഫിറ്റനസ് നോക്കുന്ന ഒരാളാണ് താന്‍ എന്നാല്‍ കഴിഞ്ഞ 15 വര്‍ഷമായി താന്‍ ഹോട്ടല്‍ ഭക്ഷണം കഴിക്കാറുണ്ട് അതുമൂലം പ്രശ്‌നങ്ങള്‍ ഒന്നും ഉണ്ടായിട്ടില്ല. സ്ഥിരമായി ഒരു ഹോട്ടലില്‍ കയറിയാല്‍ സ്ഥിരമായി ഒരു ഭക്ഷണം തന്നെയാണ് കഴിക്കുന്നതെന്നും ഉണ്ണി പറയുന്നു.
