latest news
ഞാന്‍ സ്ത്രീലംബടനല്ല, ഇനി എനിക്ക് വേദനിക്കാന്‍ വയ്യ: സന്തോഷ് വര്‍ക്കി
Published on
മോഹന്‍ലാല്‍ ആറാടുകയാണ് എന്ന ഒരൊറ്റ കമന്റ് കൊണ്ട് ട്രോളുകളില്‍ നിറഞ്ഞയാളാണ് സന്തോഷ് വര്‍ക്കി. പിന്നാലെ തനിക്ക് നിത്യ മേനോനെ ഇഷ്ടമാണെന്നും കല്യാണ് കഴിക്കണം എന്നു പറഞ്ഞും സന്തോഷ് വര്‍ക്കി രംഗത്ത് എത്തിയിരുന്നു.
സന്തോഷ് വര്‍ക്കിയെന്ന ആള്‍ നിരന്തരം ഇഷ്ടം പറഞ്ഞ് ശല്യപ്പെടുത്തുകയാണെന്ന് പറഞ്ഞ് നിത്യ മേനോന്‍ രംഗത്ത് വരികയും ചെയ്തിരുന്നു. ഇതോടെ കൂടുതല്‍ നടിമാരെ ഇഷ്ടമാണെന്നും സന്തോഷ് പറഞ്ഞു. പിന്നീട് സോഷ്യല്‍ മീഡിയയില്‍ പരിഹാസങ്ങളും കളിയാക്കലുകളുമൊക്കെയാണ് വൈറല്‍ താരത്തെ കാത്തിരുന്നത്.
സന്തോഷ് വര്‍ക്കി ഇപ്പോള്‍ തന്റെ ജീവിതത്തെക്കുറിച്ച് പറയുകയാണ് താരം. തനിക്ക് ഇപ്പോള്‍ ആരോടും ക്രഷില്ല. പ്രണയനൈരാശ്യം ഒരുപാട് അനുഭവിച്ചു. എല്ലാ പ്രണയവും വണ്‍സൈഡായിരുന്നു. എനിക്ക് വേദനിക്കാന്‍ വയ്യ. ഞാന്‍ സ്ത്രീലംബടനല്ല എന്നുമാണ് സന്തോഷ് വര്‍ക്കി പറയുന്നത്.
