latest news
ബേസില്‍ എന്റെ വളര്‍ച്ചയില്‍ അസൂയപ്പെട്ട് റൂമെടുത്ത് അടിച്ച് ഫിറ്റായി കിടക്കുകയാണ്; ട്രോളുമായി ധ്യാന്‍
ആരാധകര്‍ക്ക് ഏറെ പ്രിയപ്പെട്ട താരകുടുംബമാണ് ശ്രീനിവാസന്റേത്. അച്ഛന്റെ പാത പിന്തുടര്‍ന്ന് മക്കളാണ് വിനീതും ധ്യാനും സിനിമാ രംഗത്ത് സജീവമാണ്. ശ്രീനിവാസനെപ്പോലെ തന്നെ സകലകലാവല്ലഭനാണ് വിനീത്. ഗായകന്‍, നടന്‍, സംവിധായകന്‍ എന്നീ നിലകളില്‍ എല്ലാം താരം കഴിവ് തെളിയിച്ച് കഴിഞ്ഞു.
ധ്യാന്‍ ശ്രീനിവാസനും ഒട്ടും മോശക്കാരനല്ല. ധ്യാനിന്റെ ഇന്റര്‍വ്യൂകളെല്ലാം വലിയ ഹിറ്റാകാറുണ്ട്. വലിയ രീതിയിലുള്ള പിന്തുണയാണ് ധ്യാനിന്റെ എല്ലാ ഇന്റര്‍വ്യൂകള്‍ക്കും കിട്ടാറ്. എല്ലാ കാര്യങ്ങളും ഒട്ടും മടികൂടാതെ ആരാധകര്‍ക്ക് മുന്നില്‍ തുറന്ന് പറയുന്ന പ്രകൃതമാണ് ധ്യാനിന്റേത്.
ഇപ്പോള്‍ തന്റെ ഏറ്റവും പുതിയ ചിത്രമായ വര്‍ഷങ്ങള്‍ക്കു ശേഷം ഹിറ്റായതിന്റെ സന്തോഷത്തിലാണ് താരം. വര്‍ഷങ്ങള്‍ക്ക് ശേഷം എന്റെയൊരു പടം ഓടി എന്നായിരുന്നു തമാശ രൂപേണ ധ്യാന്‍ ആദ്യം പറഞ്ഞത്. പിന്നാലെ സംവിധായകനും നടനുമായ ബേസില്‍ ജോസഫിനെ ട്രോളാനും ധ്യാന്‍ മറന്നില്ല. ‘ബേസില്‍ എന്റെ വളര്‍ച്ചയും പെര്‍ഫോമന്‍സും കണ്ട് അസൂയപ്പെട്ട് തൃശൂര്‍ ഭാഗത്ത് ഏതോ ബാറില്‍ ഇരുന്ന് മദ്യപിക്കുകയാണ്.’ എന്നായിരുന്നു ധ്യാനിന്റെ ട്രോള്‍.
