latest news
സൂര്യ എന്നെ ഒരുപാട് കാര്യങ്ങളില്‍ സഹിക്കുന്നു: ജ്യോതിക
തെന്നിന്ത്യന്‍ സിനിമാ ആരാധകരുടെ ഇഷ്ട ജോഡികളാണ് സൂര്യയും ജ്യോതികയും. ഓണ്‍സ്‌ക്രീന്‍ പ്രണയം പോലെ തന്നെ സൂര്യജ്യോതിക താരജോഡികളുടെ ഓഫ്‌സ്‌ക്രീന്‍ പ്രണയവും ആരാധകര്‍ ഏറെ ആസ്വദിക്കാറുണ്ട്. പര്‌സ്പരം ഇത്രയേറെ ബഹുമാനിക്കുകയും പിന്‍തുണക്കുകയും ചെയ്യുന്ന താരജോഡികള്‍ സിനിമാ ഇന്റസ്ട്രിയില്‍തന്നെ അപൂര്‍വ്വമാണെന്നാണ് ആരാധകര്‍ പറയുന്നത്.
സില്ലിനൊരു കാതല്‍, കാക്ക കാക്ക തുടങ്ങി നിരവധി സിനിമകളില്‍ ഒന്നിച്ചഭിനയിച്ച താരങ്ങളുടെ കെമിസ്ട്രി ജീവിതത്തിലും വര്‍ക്കൗട്ട് ആകുകയായിരുന്നു. 2006 ലായിരുന്നു ആരാധകര്‍ ആഘോഷമാക്കിയ സൂര്യയുടെയും ജ്യോതികയുടെയും വിവാഹം. കരിയറിനൊപ്പം കുടുംബജീവിതത്തിനും ഒരുപോലെ പ്രാധാന്യം നല്‍കാന്‍ ഇരുവരും ശ്രദ്ധിക്കാറുണ്ട്.
ഇപ്പോള്‍ സൂര്യയെക്കുറിച്ച് ജ്യോതിക പറഞ്ഞ കാര്യങ്ങളാണ് വൈറലായിരിക്കുന്നത്. താന്‍ ഒരുപാട് സംസാരിക്കുന്ന ആളാണ്. സൂര്യ കേട്ടിരിക്കുന്ന ആളും. സൂര്യ തന്നെ ഒരപാട് സഹിക്കുന്നുണ്ടാകും. സൂര്യ തനിക്ക് ഒരുപാട് ബഹുമാനവും സ്‌പേസും തരുന്നുണ്ട്. തനിക്ക് സൂര്യ ഇഷ്ടമല്ലാത്ത കാര്യം സൂര്യ ഒരുപാട് സമയം ബാത്ത്‌റൂമില്‍ ചിലവഴിക്കും. അതിന്റെ പേരില്‍ രാവിലെ വഴക്ക് ഉണ്ടാകാറുണ്ട് എന്നും താരം പറയുന്നു.
