latest news
സാരി വില്‍പ്പന പണത്തോടുള്ള ആര്‍ത്തികൊണ്ടല്ല: നവ്യ നായര്‍
ആരാധകര്‍ക്ക് ഏറെ പ്രിയങ്കരിയായ നടിയാണ് നവ്യ നായര്‍. ദിലീപ് നായകനായ ഇഷ്ടം എന്ന ചിത്രത്തിലൂടെയാണ് നവ്യ സിനിമയിലേക്ക് എത്തിയത്. പിന്നീട് ഒരു പിടി നല്ല കഥാപാത്രങ്ങളാണ് താരത്തെ തേടിയെത്തിയത്. കല്യാണത്തിനു ശേഷം അഭിനയത്തില്‍ നിന്നും വിട്ടുനിന്നെങ്കിലും ഇപ്പോള്‍ താരം തിരിച്ചെത്തിയിരിക്കുകയാണ്.
നന്ദനത്തിലെ ബാലാമണി എന്ന കഥാപാത്രത്തെ മലയാളികള്‍ക്ക് അത്ര പെട്ടെന്ന് മറക്കാന്‍ സാധിക്കില്ല. കാരണം അത്ര മനോഹരമായ അഭിനയമായിരുന്നു നവ്യാ നായര്‍ ചിത്രത്തില്‍ കാഴ്ച വെച്ചത്. അത് മാത്രമല്ല ഓര്‍ത്തുവയ്ക്കാന്‍ വേറെയും വേറിട്ട് നില്‍ക്കുന്ന നവ്യയുടെ ഒരുപാട് കഥാപാത്രങ്ങള്‍ വേറെയുമുണ്ട്.
ഈയടുത്ത് താരം ഒരു തവണ മാത്രം ഉപയോഗിച്ച സാരികള്‍ വില്‍പ്പനയ്ക്ക് വെച്ചിരുന്നു. ഇതുമായി ബന്ധപ്പെട്ടുള്ള വിമര്‍ശനത്തിന് മറുപടി പറയുകയാണ് താരം. പണത്തോടുള്ള ആര്‍ത്തികൊണ്ടല്ല സാരിവില്‍പ്പന നടത്തിയത്. അതിലൂടെ ലഭിച്ച മുഴുവന്‍ തുകയും ഗാന്ധിഭവനിലെ അന്തേവാസികളുടെ കാര്യങ്ങള്‍ നടത്തുന്നതിനാണ് നല്‍കിയത് എന്നും താരം പറയുന്നു.
