latest news
അച്ഛനെയും ലാല്‍ അങ്കിളിനെയും വെച്ച് സിനിമ ചെയ്യാന്‍ ആഗ്രഹമുണ്ടായിരുന്നു: വിനീത്
ആരാധകര്‍ക്ക് ഏറെ പ്രിയപ്പെട്ട താരകുടുംബമാണ് ശ്രീനിവാസന്റേത്. അച്ഛന്റെ പാത പിന്തുടര്‍ന്ന് മക്കളാണ് വിനീതും ധ്യാനും സിനിമാ രംഗത്ത് സജീവമാണ്. ശ്രീനിവാസനെപ്പോലെ തന്നെ സകലകലാവല്ലഭനാണ് വിനീത്. ഗായകന്‍, നടന്‍, സംവിധായകന്‍ എന്നീ നിലകളില്‍ എല്ലാം താരം കഴിവ് തെളിയിച്ച് കഴിഞ്ഞു.
ധ്യാന്‍ ശ്രീനിവാസനും ഒട്ടും മോശക്കാരനല്ല. ധ്യാനിന്റെ ഇന്റര്‍വ്യൂകളെല്ലാം വലിയ ഹിറ്റാകാറുണ്ട്. വലിയ രീതിയിലുള്ള പിന്തുണയാണ് ധ്യാനിന്റെ എല്ലാ ഇന്റര്‍വ്യൂകള്‍ക്കും കിട്ടാറ്. എല്ലാ കാര്യങ്ങളും ഒട്ടും മടികൂടാതെ ആരാധകര്‍ക്ക് മുന്നില്‍ തുറന്ന് പറയുന്ന പ്രകൃതമാണ് ധ്യാനിന്റേത്.
ഇപ്പോള്‍ തന്റെ അച്ഛനേയും ലാല്‍ അങ്കിളിനെയും വെച്ച് ഒരു സിനിമ ചെയ്യാന്‍ ആഗ്രഹമുണ്ടാരുന്നു എന്ന് പറയുകയാണ് വിനീത്. എന്നാല്‍ താന്‍ സംവിധാനം ചെയ്യുന്ന കാര്യമല്ല വിനീത് പറയുന്നത്. സത്യന്‍ അങ്കിളോ പ്രിയന്‍ അങ്കിളോ അങ്ങനെ ഒരു സിനിമ ചെയ്യണം. ചെയ്താല്‍ നന്നായിരിക്കും. പക്ഷേ ഇപ്പോള്‍ അദ്ദേഹത്തിന്റെ ആരോഗ്യം ശ്രദ്ധിക്കണമല്ലോ എന്നും താരം പറയുന്നു.
