latest news
സാനിറ്ററി പാഡുകള്‍ വലിച്ചെറിഞ്ഞു; നാല്‍പതിലെ തന്റെ ഐവിഎഫിനെക്കുറിച്ച് ഫറാ ഖാന്‍
ഡാന്‍ഡ് കോറിയോഗ്രാഫര്‍ അന്ന നിലയില്‍ ബോളിവുഡില്‍ ഏറെ സജീവമാണ് ഫറാ ഖാന്‍. ഇതിനു പുറമെ സംവിധായിക എന്ന നിലയിലും ഫറാ ഖാന്‍ തന്റെ കഴിവ് തെളിയിച്ചു. ഓം ശാന്തി ഓം, മേം ഹൂ ന എന്നീ ചിത്രങ്ങളാണ് താരം സംവിധാനം ചെയ്തത്.
ഫറാ ഖാന്‍ ആദ്യമായി നൃത്തസംവിധാനം ചെയ്ത ചിത്രം അമീര്‍ ഖാന്‍ നായകനായ ജോ ജീത്ത വഹി സികന്ദര്‍ എന്ന ചിത്രമായിരുന്നു. പിന്നീട് ഒരു പാട് ചിത്രങ്ങളില്‍ നൃത്ത സംവിധാനം പ്രശസ്തമായി. കഭി ഹാ കഭി ന എന്ന ചിത്രത്തിന്റെ സംവിധാനത്തിനിടെ നടന്‍ ഷാരൂഖ് ഖാനുമായി പരിചയപ്പെടുകയും ഇവര്‍ പിന്നീട് നല്ല സുഹൃത്തുക്കള്‍ ആവുകയും ചെയ്തു. അന്താരാഷ്ട്രചലച്ചിത്രമേഖലയില്‍ മണ്‍സൂണ്‍ വെഡ്ഡിംഗ് , ബോംബേ ഡ്രീംസ് , വാനിറ്റി എന്നീ ചിത്രങ്ങളില്‍ നൃത്ത സംവിധാനം ചെയ്തു കൊണ്ട് ശ്രദ്ധേയയായി.
ഇപ്പോള്‍ തന്റെ ഐവിഎഫ് ചികിത്സയെക്കുറിച്ച് മനസ് തുറക്കുകയാണ് ഫറാ ഖാന്‍. പ്രായം വൈകിയതിനാല്‍ ഐവിഎഫിലൂടെയാണ് കുട്ടികള്‍ ജനിച്ചത്. 42-ാം വയസിലാണ് ഐവിഎഫ് ചെയ്തത്. ഓം ശാന്തി ഓശാനയുടെ ഷൂട്ട് നടക്കുന്ന സമയത്തായിരുന്നു ഇത്. എന്നും രാവിലെ ഇഞ്ചക്ഷന്‍ എടുക്കാന്‍ പോകും. അതിനു ശേഷമാണ് ഷൂട്ടിന് പോവുക. ഐവിഎഫ് ചെയ്ത ശേഷം ആദ്യം ചെയ്ത കാര്യം ബാത്ത്‌റൂമിലെ സാനിറ്ററി പാഡുകള്‍ വലിച്ചെിറിഞ്ഞു എന്നതാണ്. തനിക്ക് ഇത്തവണ ആര്‍ത്തവമാകില്ല. പകരം ഗര്‍ഭിണിയാകുമെന്ന് താന്‍ ഉറപ്പിച്ചിരുന്നു എന്നും താരം പറയുന്നു.
