latest news
അന്നൊക്കെ ഞാന്‍ ഐശ്വര്യ റായിയാണെന്നായിരുന്നു എന്റെ വിചാരം: അമല പോള്‍
മലയാളക്കരയില്‍ നിന്നെത്തി തെന്നിന്ത്യയാകെ തന്റെ സാനിധ്യമറിയിച്ച താരമാണ് അമല പോള്‍. തമിഴിലും തെലുങ്കിലുമെല്ലാം തിളങ്ങിയ താരം മുന്‍നിര നായക കഥാപാത്രങ്ങള്‍ക്കപ്പം സ്‌ക്രീന്‍ സ്‌പെയ്‌സ് പങ്കുവെക്കുകയും ചെയ്തിട്ടുണ്ട്.
സിനിമിയിലെന്നതുപോലെ തന്നെ അമലയുടെ വ്യക്തി ജീവിതവും എന്നും വാര്‍ത്തകളില്‍ നിറഞ്ഞു നിന്നിരുന്നു. പ്രണയവും വിവാഹവും വേര്‍പിരിയലുമെല്ലാം പാപ്പരാസികള്‍ ആഘോഷമാക്കുകയും ചെയ്തതാണ്. ഇത് സാധാരണക്കാര്‍ക്കിടയിലും പല ഊഹോപോഹങ്ങള്‍ക്കും കാരണമായിരുന്നു.
ഇപ്പോള്‍ വൈറലായ തന്റെ സ്‌കൂള്‍ കാലഘട്ടത്തിലെ ഫോട്ടോയെക്കുരിച്ച് സംസാരിക്കുകയാണ് അമല പോള്‍. ആ ഫോട്ടോ വൈറലായപ്പോള്‍ പലരും അയ്യോ ഇങ്ങനെയിരുന്ന കുട്ടിയാണോന്ന് ചോദിച്ചിരുന്നു. അത് കണ്ടപ്പോള്‍ പണ്ട് ഞാന്‍ അത്ര ബോറാണോ എന്ന് ചിന്തിക്കാറുണ്ട്. ആ സമയത്ത് ഞാന്‍ ഐശ്വര്യ റായിയാണ് എന്നായിരുന്നു എന്റെ വിചാരം എന്നും അമല പറയുന്നു.
