latest news
ഷക്കീല ഉദ്ഘാടനം ചെയാതാല്‍ എന്താ പ്രശ്‌നം: നവ്യ ചോദിക്കുന്നു
ആരാധകര്‍ക്ക് ഏറെ പ്രിയങ്കരിയായ നടിയാണ് നവ്യ നായര്‍. ദിലീപ് നായകനായ ഇഷ്ടം എന്ന ചിത്രത്തിലൂടെയാണ് നവ്യ സിനിമയിലേക്ക് എത്തിയത്. പിന്നീട് ഒരു പിടി നല്ല കഥാപാത്രങ്ങളാണ് താരത്തെ തേടിയെത്തിയത്. കല്യാണത്തിനു ശേഷം അഭിനയത്തില്‍ നിന്നും വിട്ടുനിന്നെങ്കിലും ഇപ്പോള്‍ താരം തിരിച്ചെത്തിയിരിക്കുകയാണ്.
നന്ദനത്തിലെ ബാലാമണി എന്ന കഥാപാത്രത്തെ മലയാളികള്‍ക്ക് അത്ര പെട്ടെന്ന് മറക്കാന്‍ സാധിക്കില്ല. കാരണം അത്ര മനോഹരമായ അഭിനയമായിരുന്നു നവ്യാ നായര്‍ ചിത്രത്തില്‍ കാഴ്ച വെച്ചത്. അത് മാത്രമല്ല ഓര്‍ത്തുവയ്ക്കാന്‍ വേറെയും വേറിട്ട് നില്‍ക്കുന്ന നവ്യയുടെ ഒരുപാട് കഥാപാത്രങ്ങള്‍ വേറെയുമുണ്ട്.
ഇപ്പോഴിതാ ഒരു ചടങ്ങിനിടെ താരം പറഞ്ഞ വാക്കുകളാണ് വൈറലായിരിക്കുന്നത്. ഷക്കീലയെക്കുറിച്ചാണ് താരം സംസാരിക്കുന്നത്. ഷക്കീല എന്ന നടി ഈ അമ്പലത്തില്‍ പ്രോഗ്രാം ഉദ്ഘാടനം ചെയ്യാന്‍ എത്തി. അന്ന് അവര്‍ക്ക് സാമ്പത്തികമായി നല്ല ബുദ്ധിമുട്ടുണ്ടായിരുന്നു. അവരെ അമ്പലത്തിലേക്ക് ക്ഷണിച്ചപ്പോള്‍ അവര് ചോദിച്ചുവത്രേ എന്നെപ്പോലെയൊരു നടി അമ്പലത്തിലെ ഉദ്ഘാടനത്തിനോ? ‘ എന്ന്. അപ്പോള്‍ ക്ഷണിക്കാന്‍ പോയ ആള്‍ പറഞ്ഞു ഭഗവാന്റെ മുന്നില്‍ നല്ലതോ ചീത്തയോ ഇത്തരത്തിലുള്ളത് അത്തരത്തിലുള്ളത് എന്നൊന്നുമില്ല. ഞങ്ങള്‍ക്കൊക്കെ അമ്പലത്തില്‍ പോയി തൊഴാമെങ്കില്‍ നിങ്ങള്‍ക്കും അമ്പലത്തില്‍ വരാം. മറ്റെല്ലാ നടിമാര്‍ക്കും അമ്പലങ്ങളില്‍ ഇനാഗുറേഷന്‍ ചെയ്യാമെങ്കില്‍ നിങ്ങള്‍ക്കും ഇനാഗുറേഷന്‍ ചെയ്യാം. ഈ പറഞ്ഞ ആള്‍ ആരാണെന്ന് എനിക്കറിയില്ല അദ്ദേഹമാരാണെന്നും എന്താണെന്നും എനിക്കറിയില്ല എന്നും താരം പറയുന്നു.
