latest news
എഴുന്നേറ്റ് നടക്കണം എന്നു മാത്രമായിരുന്നു ആഗ്രഹം; തനിക്ക് സംഭവിച്ച അപകടത്തെക്കുറിച്ച് സിദ്ധാര്‍ത്ഥ്
സംവിധായകന്‍ നടന്‍ എന്നീ നിലകളില്‍ എല്ലാം മലയാളികള്‍ക്ക് ഏറെ പ്രിയങ്കരനായ താരമാണ് സിദ്ധാര്‍ത്ഥി ഭരതന്‍. അമ്മ കെപിഎസി ലളിതയുടെ പാത പിന്തുടര്‍ന്ന് അഭിനയത്തിലേക്കാണ് താരം ആദ്യ എത്തിയതെങ്കിലും പിന്നീട് അച്ഛനെപ്പോലെ തനിക്ക് സംവിധാനവും വഴങ്ങും എന്നും സിദ്ധാര്‍ത്ഥ് തെളിയിച്ചു.
ഏറെ വെല്ലുവിളികള്‍ നിറഞ്ഞതായിരുന്നു സിദ്ധാര്‍ത്ഥിന്റെ ജീവിതം. 2015 സെപ്റ്റംബര്‍ 11 ന് ഒരു അപകടത്തില്‍ സിദ്ധാര്‍ത്ഥിന് ഗുരുതരമായി പരിക്കേറ്റു. അദ്ദേഹം ഓടിച്ചിരുന്ന ഫോര്‍ഡ് ഫിഗോ കാര്‍ കൊച്ചിക്കടുത്ത് ചമ്പക്കരയില്‍ റോഡരികിലെ മതിലില്‍ ഇടിക്കുകയും നടന്റെ കാലിനും തലയ്ക്കും ഗുരുതരമായ പരിക്കേല്‍ക്കുകയും ചെയ്തു. കൊച്ചിയിലെ മെഡിക്കല്‍ ട്രസ്റ്റ് ആശുപത്രിയിലെ വെന്റിലേറ്ററിലായിരുന്നു.
ഇപ്പോള്‍ അതേക്കുറിച്ച് സംസാരിക്കുകയാണ് താരം. ഒറ്റപ്പെടാന്‍ അനുവദിക്കാതെ ആ സമയത്ത് എല്ലാവരും തന്റെ കൂടെയുണ്ടായിരുന്നു. ജിഷ്ണു തന്നെ വന്ന് കണ്ടിരുന്നു. അമ്മ അടുത്തുണ്ടായിരുന്നു. ഒന്ന് എഴുന്നേറ്റ് നടക്കണം എന്നുമാത്രമായിരുന്നു ആ സമയത്തെ ആഗ്രഹം എന്നും താരം പറയുന്നു.
