മീനയുടെ ഭര്‍ത്താവിന് സംഭവിച്ചത് ഇതാണ്; പുതിയ വെളിപ്പെടുത്തല്‍

പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് മീന. നെഞ്ചങ്ങള്‍ എന്ന തമിഴ് സിനിമയില്‍ ബാലനടിയായി അഭിനയിച്ചാണ് മീന തന്റെ ചലച്ചിത്രജീവിതം തുടങ്ങിയത്. ശിവാജി ഗണേശനായിരുന്നു ഈ ചിത്രത്തിലെ നായകന്‍.

കരിയറില്‍ തിളങ്ങി നില്‍ക്കുന്ന സമയത്തായിരുന്നു താരത്തിന്റെ വിവാഹം. പിന്നാലെ കുഞ്ഞും ജനിച്ചു. എന്നാല്‍ ഇടവേളകളില്‍ എല്ലാം മീന സിനിമയില്‍ അഭിനയിച്ചിരുന്നു. പക്ഷേ അതിലിടയ്ക്കാണ് മീനയ്ക്ക് ഭര്‍ത്താവിനെ നഷ്ടമാകുന്നത്.

ഇപ്പോള്‍ മീനയുടെ ഭര്‍ത്താവിന്റെ മരണവുമായി ബന്ധപ്പെട്ട് കൂടുതല്‍ കാര്യങ്ങളാണ് പുറത്തുവന്നിരിക്കുന്നത്. ശ്വാസകോശവുമായി ബന്ധപ്പെട്ട അസുഖത്തിന് ഏറെ നാളായി ചികിത്സയിലായിരുന്നു വിദ്യാ സാഗര്‍. അദ്ദേഹത്തിന്റെ ശ്വാസ കോശം മാറ്റി വെക്കാനുള്ള തീരുമാനം എടുത്തിരുന്നു. എന്നാല്‍ ചേരുന്നത് ലഭിക്കാത്തതിനാല്‍ അത് ചെയ്യാന്‍ സാധിച്ചിരുന്നില്ല.