latest news
നിന്റെ മകളെന്താണ് കൈയ്യില്ലാത്ത ഉടുപ്പ് ഇടുന്നത്? മാന്യമായ വേഷം ധരിച്ചൂടേ! അമ്മയുടെ ടെന്‍ഷനെ പറ്റി അഭയ ഹിരണ്‍മയി
എന്നും വിമര്‍ശനങ്ങള്‍ വിടാതെ പിന്തുടരുന്ന താരമാണ് അഭയ ഹിരണ്‍മയി. ഡ്രസ്സിന്റെ പേരിലും സ്വന്തം സ്വകാര്യ ജീവിതത്തിന്റെ പേരിലും എല്ലാം വലിയ രീതിയിലുള്ള വിമര്‍ശനങ്ങളാണ് താരത്തിന് നേരിടേണ്ടി വരാറ്.
എന്നാല്‍ വിമര്‍ശനങ്ങളെ എല്ലാം ചിരിച്ച് തള്ളുന്ന താരമാണ് അഭയ. അതിനാല്‍ തന്നെ അതീവ ഗ്ലാമറസ് ചിത്രങ്ങള്‍ താരം എന്നും സോഷ്യല്‍ മീഡിയയില്‍ പങ്കുവെക്കാറുണ്ട്. അതുപോലെ ഗോപി സുന്ദരിനൊപ്പം ജീവിച്ചപ്പോള്‍ ഉണ്ടായ വിമര്‍ശനങ്ങളെയും ബ്രേക്കപ്പായപ്പോള്‍ ഉണ്ടായ വിമര്‍ശനങ്ങളെയും എല്ലാം താരം വളരെ കൂളായിട്ടാണ് നേരിട്ടത്.
ഇപ്പോള്‍ അമ്മയുടെ പേടിയെക്കുറിച്ച് പറയുകയാണ് അഭയ. ഇറക്കം കുറഞ്ഞതോ കൈയ്യില്ലാത്തതോ ആയ വേഷം ധരിക്കാന്‍ അമ്മ സമ്മതിക്കുമായിരുന്നില്ല. ഇന്നും അക്കാര്യത്തില്‍ അമ്മയ്ക്ക് ടെന്‍ഷനാണെന്നാണ് അഭയ പറയുന്നത്. എന്റെ ഡ്രസ്സിങ് സ്‌റ്റൈലൊന്നും അമ്മയ്ക്ക് അംഗീകരിക്കാന്‍ പറ്റുന്നതായിരുന്നില്ല. ജീവിതത്തില്‍ ഞാന്‍ നേടിയതെല്ലാം, ഫൈറ്റ് ചെയ്ത് നേടിയതാണെന്നും അഭയ പറയുന്നു.
