latest news
എന്നെയും കുടുംബത്തെയും ജീവിതത്തിലേക്ക് തിരികെ കൊണ്ടുവന്നയാള്‍; നവീനെക്കുറിച്ച് ഭാവന
മലയാളത്തിലും തെന്നിന്ത്യയിലും ഒരുപോലെ ആരാധകരുള്ള നടിയാണ് ഭാവന. കമല്‍ സംവിധാനം ചെയ്ത നമ്മള്‍ എന്ന സൂപ്പര്‍ഹിറ്റ് ചിത്രത്തിലൂടെയാണ് ഭാവന മലയാളത്തിലേക്ക് എത്തിയത്.
1986 ജൂണ്‍ ആറിനാണ് ഭാവനയുടെ ജനനം. ഇപ്പോള്‍ 35 വയസ്സ് കഴിഞ്ഞു. സോഷ്യല്‍ മീഡിയയില്‍ സജീവ സാന്നിധ്യമാണ് ഭാവന. തന്റെ ചിത്രങ്ങളും വിശേഷങ്ങളും ഭാവന ആരാധകര്‍ക്കായി പങ്കുവെയ്ക്കാറുണ്ട്.
ഇപ്പോള്‍ വിവാഹ വാര്‍ഷിക ദിനത്തില്‍ ഭര്‍ത്താവിനെക്കുറിച്ച് പറയുകയാണ് ഭാവന. അച്ഛന്റെ വേര്‍പാടിനുശേഷം തളര്‍ന്നുപോയ തന്റെ കുടുംബത്തെ താങ്ങി നിര്‍ത്തിയത് നവീനാണെന്ന് ഭാവന തന്നെ പലപ്പോഴായി പറഞ്ഞിട്ടുണ്ട്. ‘അച്ഛന് യാതൊരു ആരോഗ്യപ്രശ്‌നവും ഉണ്ടായിരുന്നില്ല. കിടപ്പിലാവുമെന്നും മരണപ്പെടുമെന്നും ഒരിക്കലും പ്രതീക്ഷിച്ചിരുന്നില്ല. ദൈവ ഭാഗ്യം കൊണ്ട് വിവാഹ നിശ്ചയത്തിന് അച്ഛന് പങ്കെടുക്കാന്‍ കഴിഞ്ഞു. അച്ഛന്റെ മരണം ജീവിതത്തിലെ ഏറ്റവും വലിയ തിരിച്ചടികളിലൊന്നായിരുന്നു.’ അതിന് ശേഷം തന്നെയും കുടുംബത്തേയും ജീവിതത്തിലേക്ക് തിരിച്ചുകൊണ്ടു വന്നത് നവീനാണെന്നാണ് ഭാവന പറയുന്നത്.
