Gossips
മോഹന്‍ലാലും സത്യന്‍ അന്തിക്കാടും ഒന്നിക്കുന്നത് കുടുംബ ചിത്രത്തിനു വേണ്ടി !
Published on
മോഹന്‍ലാലും സത്യന്‍ അന്തിക്കാടും ഒന്നിക്കുന്ന ചിത്രം ഒരു ഫാമിലി ഡ്രാമയായിരിക്കുമെന്ന് റിപ്പോര്‍ട്ട്. ഈ വര്‍ഷം തന്നെ ചിത്രത്തിന്റെ ഷൂട്ടിങ് ആരംഭിക്കും. ഈ വര്‍ഷം അവസാനമോ അടുത്ത വര്‍ഷം ആദ്യത്തിലോ ആയിരിക്കും റിലീസ്. വളരെ സാധാരണക്കാരനായ ഒരു കഥാപാത്രമായിരിക്കും മോഹന്‍ലാലിന്റേത്. തമാശയ്ക്കും ഇമോഷണല്‍ രംഗങ്ങള്‍ക്കുമായിരിക്കും ചിത്രത്തില്‍ കൂടുതല്‍ പ്രാധാന്യമെന്നും റിപ്പോര്‍ട്ടുകളുണ്ട്.
ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ ആയിരിക്കും ചിത്രം നിര്‍മിക്കുക. എന്നും എപ്പോഴും ആണ് സത്യനും മോഹന്‍ലാലും ഒന്നിച്ച അവസാന ചിത്രം. മഞ്ജു വാരിയര്‍ ആയിരുന്നു നായിക.
അതേസമയം മോഹന്‍ലാലിന്റെ നേര് തിയറ്ററുകളില്‍ പ്രദര്‍ശനം തുടരുകയാണ്. ജീത്തു ജോസഫ് സംവിധാനം ചെയ്ത ചിത്രം ഇതിനോടകം 70 കോടിക്ക് മുകളില്‍ ബോക്‌സ്ഓഫീസില്‍ കളക്ട് ചെയ്തിട്ടുണ്ട്.
