latest news
തമാശ മറ്റൊരാള്‍ക്ക് വേദനയാകുമെങ്കില്‍ അത് പറയാതിരിക്കണം; ബിനു അടിമാലിക്കെതിരെ മഞ്ജു
പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് മഞ്ജു പത്രോസ്. ഒരു റിയാലിറ്റി ഷോയിലൂടെയാണ് മഞ്ജു ടെലിവിഷന്‍ ലോകത്തേക്ക് എത്തിയത്. അതിനുശേഷം ചില ഹാസ്യ പരമ്പരകളിലും പിന്നീട് സിനിമയിലും എത്തി.
ബിഗ്‌ബോസ് സീസണ്‍ രണ്ടിലെ ഒരു പ്രധാന മത്സരാര്‍ത്ഥി കൂടിയായിരുന്നു മഞ്ജു. എന്നാല്‍ വലിയ വിവാദങ്ങളായിരുന്നു ഷോയിലൂടെ മഞ്ജുവിന് നേരിടേണ്ടി വന്നത്. ഇപ്പോഴിതാ പൊതുവേദിയില്‍ ബോഡി ഷെയിമിങ്ങിനെതിരെ സംസാരിക്കുന്ന മഞ്ജു പത്രോസിന്റെ വീഡിയോയാണ് സമൂഹ മാധ്യമങ്ങളില്‍ വൈറലാവുന്നത്. ബോഡി ഷെയിമിങ്ങിനെ അനുകൂലിക്കുന്ന രീതിയില്‍ സംസാരിച്ച നടന്‍ ബിനു അടിമാലിയെ തിരുത്തിക്കൊണ്ടായിരുന്നു മഞ്ജുവിന്റെ വാക്കുകള്‍.
ഓര്‍മ്മവെച്ച കാലം മുതല്‍ എന്റെ നിറത്തെയും ശരീരത്തെയും ഒക്കെ കളിയാക്കിയും ചിരിച്ചും പരിഹസിച്ചും ഒരുപാട് പേര്‍ എന്നോട് സംസാരിച്ചിട്ടുണ്ട്,’. ‘ഇതൊന്നും എനിക്ക് ആസ്വദിക്കാന്‍ കഴിഞ്ഞിട്ടില്ല. ചുറ്റുമുള്ളവര്‍ ചിരിക്കുമ്പോഴും ഞാന്‍ ചിരിച്ചു കാണിക്കുമ്പോഴും ഉള്ളില്‍ ഞാന്‍ ചിരിച്ചിട്ടില്ല. തമാശ മറ്റൊരാള്‍ക്ക് വേദനയാകുമെങ്കില്‍ അത് പറയാതിരിക്കണം എന്നും താരം പറയുന്നു.
