latest news
പതിനഞ്ച് വര്‍ഷത്തോളം ഞങ്ങള്‍ക്ക് വേണ്ടി മാത്രം ജീവിച്ചു; അമ്മയെക്കുറിച്ച് അഹാന
ആരാധകര്‍ക്ക് ഏറെ പ്രിയങ്കരിയായ നടിയാണ് അഹാന കൃഷ്ണ. സോഷ്യല്‍ മീഡിയയിലും ഏറെ സജീവമാണ് അഹാന. അഹാന കൃഷ്ണയുടെയും സഹോദരിമാരുടെയും വീഡിയോകളും ചിത്രങ്ങളും എന്നും വൈറലാകാറുണ്ട്.
ലൂക്ക എന്ന ചിത്രത്തിലൂടെയാണ് അഹാന മലയാളികള്‍ക്ക് പ്രിയങ്കരിയായത്. ഇതോടൊപ്പം താരത്തിന്റെ യൂട്യൂബ് ചാനലും വളരെ ട്രെന്‍ഡിംഗ് ആണ്. നിരവധിപ്പേരാണ് താരത്തെ ഫോളോ ചെയ്യുന്നത്.
ഇപ്പോള്‍ അമ്മയെക്കുറിച്ചുള്ള താരത്തിന്റെ വാക്കുകളാണ് വൈറലായിരിക്കുന്നത്. അമ്മ ഞങ്ങള്‍ക്ക് വേണ്ടി ഒരുപാട് സ്‌ക്രിഫൈസ് ചെയ്തിട്ടുണ്ട്. എനിക്ക് പത്ത് വയസായപ്പോഴേക്കും ഹന്‍സിക ജനിച്ചു. ഏകദേശം ഒരു പതിനഞ്ച് കൊല്ലം എന്റെ അമ്മ ആകെ ചെയ്തിട്ടുള്ളത് ഈ പിള്ളേരെ നോക്കുക എന്നുള്ളതാണ്. നമ്മളെ കുളിപ്പിക്കുക, നമ്മളെ റെഡിയാക്കുക, നമ്മുടെ മുടി കെട്ടിത്തരിക, നമുക്ക് ഭക്ഷണം തരിക, സ്‌കൂളില്‍ നിന്ന് വിളിക്കുക, ട്യൂഷന് വിടുക, ഡാന്‍സ് ക്ലാസ്സില്‍ കൊണ്ടാക്കുക ഇതായിരുന്നു അമ്മയുടെ ലോകം എന്നാണ് താരം പറയുന്നത്.
