latest news
മറ്റ് നടന്മാരെപ്പോലെയല്ല ധനുഷ്; മനസ് തുറന്ന് നിത്യ
തെന്നിന്ത്യന്‍ സിനിമയില്‍ പകരം വയ്ക്കാന്‍ പറ്റാത്ത നായികയാണ് നിത്യ മേനോന്‍. വ്യത്യസ്ഥമായ കഥാപാത്രങ്ങള്‍ കൊണ്ടും അഭിനയ മികവുകൊണ്ടും സിനിമ ഇന്‍ഡസ്ട്രിയല്‍ തന്റേതായ ഒരിടം ഉറപ്പിക്കുവാന്‍ നിത്യക്ക് കഴിഞ്ഞു. തമിഴ്, തെലുങ്ക്, കണ്ണട, ഹിന്ദി, മലയാളം എന്നീ ഭാഷകളില്‍ നിരവധി ചിത്രങ്ങള്‍ ചെയ്ത തരത്തിന് വലിയ ആരാധക പിന്തുണ തന്നെയുണ്ട്.
ആകാശ ഗോപുരം എന്ന മലയാള ചിത്രത്തിലൂടെ ബാലതാരമായാണ് നിത്യ സിനിമയില്‍ എത്തുന്നത്. പിന്നീട് നിരവധി ഭാഷകളില്‍ നിന്ന് മികച്ച കഥാപാത്രങ്ങള്‍ കൊച്ചുനിത്യയെ തേടി എത്തി. 33 മൂന്ന് വയസ്സുള്ള താരം ഇന്ന് തെന്നിന്ത്യ അടക്കിവാഴാന്‍ മൂല്യമുള്ള നാടിയാണ്.
ഇപ്പോള്‍ ധനുഷിനെക്കുറിച്ച് താരം പറഞ്ഞ വാക്കുകളാണ് വൈറലായിരിക്കുന്നത്. ഒപ്പം അഭിനയിച്ച പല നടന്‍മാരുടെയും ഇന്‍സെക്യൂരിറ്റികള്‍ താന്‍ കണ്ടിട്ടുണ്ടെന്ന് നിത്യ പറയുന്നു. എന്നാല്‍ ധനുഷ് അങ്ങനെയല്ല. ധനുഷ് എന്റെ ഒരു കഴിവ് കണ്ടാല്‍ അത് സിനിമയില്‍ കൂടുതല്‍ ഷോ കേസ് ചെയ്യാന്‍ നോക്കും.ഒരു ടാലന്റിനെ കാണുമ്പോള്‍ ജെനുവിനായി ആവേശഭരിതനാകുന്ന ആളാണ് ധനുഷ് എന്നും താരം പറയുന്നു.
