latest news
രണ്ടാമത്തെ പ്രസവത്തെക്കുറിച്ച് താന്‍ ചിന്തിച്ചിട്ടുപോലുമില്ല: മഞ്ജു പത്രോസ്
പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് മഞ്ജു പത്രോസ്. ഒരു റിയാലിറ്റി ഷോയിലൂടെയാണ് മഞ്ജു ടെലിവിഷന്‍ ലോകത്തേക്ക് എത്തിയത്. അതിനുശേഷം ചില ഹാസ്യ പരമ്പരകളിലും പിന്നീട് സിനിമയിലും എത്തി.
ബിഗ്‌ബോസ് സീസണ്‍ രണ്ടിലെ ഒരു പ്രധാന മത്സരാര്‍ത്ഥി കൂടിയായിരുന്നു മഞ്ജു. എന്നാല്‍ വലിയ വിവാദങ്ങളായിരുന്നു ഷോയിലൂടെ മഞ്ജുവിന് നേരിടേണ്ടി വന്നത്. ഇപ്പോള്‍ മകന്‍ ബര്‍ണാഡിനെക്കുറിച്ച് സംസാരിക്കുകയാണ് താരം. മകന്‍ ഒരിക്കലും ഒന്നിനു വേണ്ടിയും വാശി പിടിക്കാറോ കരയാറോ ഇല്ലെന്നാണ് മഞ്ജു പറയുന്നത്.
എന്റെ പ്രഗ്‌നന്‍സി വളരെ സഫറിങ്ങായിരുന്നു. ആ സമയത്ത് ഞാന്‍ കരയാത്ത ഒരു ദിവസം പോലുമില്ല. അതുകൊണ്ട് തന്നെ രണ്ടാമതൊന്ന് പ്രസവിക്കണമെന്ന് ഞാന്‍ ചിന്തിച്ചിട്ട് പോലുമില്ല. ജീവിതം മെച്ചപ്പെട്ടപ്പോള്‍ ഒന്നുകൂടി പ്രസവിക്കാമായിരുന്നു.’ ‘പക്ഷെ ഞാന്‍ വേണ്ടെന്ന് വെച്ചു. ബര്‍ണാച്ചന് കിട്ടാത്തത് ഇനി വരുന്ന ഒരു കുഞ്ഞിന് കിട്ടേണ്ടെന്ന് ചിന്തിച്ചാണ് പിന്നീട് പ്രസവിക്കാത്തത്. ഇവന്റെ മാമോദീസയുടെ ഫോട്ടോപോലും എടുക്കാനുള്ള സാഹചര്യം അന്ന് ഞങ്ങള്‍ക്കുണ്ടായിരുന്നില്ലെന്നും മഞ്ജു പറയുന്നത്.
