latest news
ഒരു സ്ലീവ്‌ലെസ്സ് ടോപ്പിടാന്‍ പോലും പേടി: ഹണി റോസ്
മലയാളികളുടെ പ്രിയപ്പെട്ട താരങ്ങളിലൊരാളാണ് ഹണി റോസ്. മലയാളത്തിന് പുറമെ തമിഴ്, കന്നഡ, തെലുങ്ക് ചിത്രങ്ങളിലും അഭിനയിച്ചിട്ടുള്ള താരം സമൂഹ മാധ്യമങ്ങളിലും സജീവമാണ്.
വിനയന്‍ സംവിധാനം ചെയ്ത ബോയ് ഫ്രണ്ട് എന്ന സിനിമയിലൂടെ അഭിനയ രംഗത്തേക്ക് വന്ന ഹണി ‘മുതല്‍ കനവ്’ എന്ന സിനിമയിലൂടെയാണ് തമിഴിലും അരങ്ങേറ്റം കുറിക്കുന്നത്. മലയാളത്തില്‍ ട്രിവാന്‍ഡ്രം ലോഡ്ജ്, ഹോട്ടല്‍ കാലിഫോര്‍ണിയ തുടങ്ങിയ സിനിമകളിലെ പ്രകടനം ഏറെ ശ്രദ്ധ നേടി.
ഇപ്പോള്‍ തനിക്ക് വന്ന മാറ്റത്തെക്കുറിച്ച് പറയുകയാണ് താരം. സമയമെടുത്താണു താന്‍ മാറിയതെന്നാണ് ഹണി റോസ് പറയുന്നത്. തുടക്കത്തില്‍ തനിക്ക് സംസാരിക്കാന്‍ പോലും അറിയില്ലായിരുന്നു. വളരെ അന്തര്‍മുഖയായിരുന്നു ഞാന്‍. ഒരു സ്ലീവ്‌ലെസ് ടോപ്പിടാനോ മര്യാദയ്ക്കു സംസാരിക്കാനോ ഒക്കെ അന്നുണ്ടായിരുന്ന പേടി സത്യത്തില്‍ തന്റെ അറിവില്ലായ്മയായിരുന്നു എന്ന് പിന്നീടാണ് തിരിച്ചറിഞ്ഞതെന്ന് ഹണി റോസ് പറയുന്നു.
