latest news
ചില പേടികള്‍ ഇപ്പോഴും കൂടെയുണ്ട്: നവ്യ നായര്‍
ആരാധകര്‍ക്ക് ഏറെ പ്രിയങ്കരിയായ നടിയാണ് നവ്യ നായര്‍. ദിലീപ് നായകനായ ഇഷ്ടം എന്ന ചിത്രത്തിലൂടെയാണ് നവ്യ സിനിമയിലേക്ക് എത്തിയത്. പിന്നീട് ഒരു പിടി നല്ല കഥാപാത്രങ്ങളാണ് താരത്തെ തേടിയെത്തിയത്. കല്യാണത്തിനു ശേഷം അഭിനയത്തില്‍ നിന്നും വിട്ടുനിന്നെങ്കിലും ഇപ്പോള്‍ താരം തിരിച്ചെത്തിയിരിക്കുകയാണ്.
നന്ദനത്തിലെ ബാലാമണി എന്ന കഥാപാത്രത്തെ മലയാളികള്‍ക്ക് അത്ര പെട്ടെന്ന് മറക്കാന്‍ സാധിക്കില്ല. കാരണം അത്ര മനോഹരമായ അഭിനയമായിരുന്നു നവ്യാ നായര്‍ ചിത്രത്തില്‍ കാഴ്ച വെച്ചത്. അത് മാത്രമല്ല ഓര്‍ത്തുവയ്ക്കാന്‍ വേറെയും വേറിട്ട് നില്‍ക്കുന്ന നവ്യയുടെ ഒരുപാട് കഥാപാത്രങ്ങള്‍ വേറെയുമുണ്ട്.
ചില പേടികള്‍ ഇപ്പോഴും തന്റെ കൂടെയുണ്ടെന്നാണ് താരം പറയുന്നത്. രാത്രി സമയത്ത് ഒറ്റക്ക് വീടിന്റെ പുറത്തുപോയി എന്തെങ്കിലുമൊന്ന് എടുത്തുവരാന്‍ പറഞ്ഞാല്‍ ഇന്നും എനിക്ക് പേടിയാണ്. വിവാഹശേഷം മുംബൈയില്‍ താമസിക്കുമ്പോള്‍ അവിടെ കുറച്ചു കൂടി സുരക്ഷിതമാണെന്ന് തോന്നിയിട്ടുണ്ട് എന്നും താരം പറയുന്നു.
