latest news
പ്രശ്‌നം വന്നാല്‍ തൊട്ടടുത്ത് ഭാര്യ മാത്രമേ ഉണ്ടാകൂ: മിഥുന്‍ രമേശ്
Published on
ബെല്‍സ് പാള്‍സി രോഗത്തെ അതിജീവിച്ച് പ്രിയതാരം മിഥുന്‍ രമേശ് തന്റെ പഴയ ജീവിതത്തിലേക്ക് തിരിച്ചെത്തിയിരിക്കുകയാണ്. അസുഖം ഭേദമായി താരം വീണ്ടും ജോലി ചെയ്യാനും ആരംഭിച്ചു.
ചിരിക്കുന്ന സമയം മുഖത്തിന്റെ ഒരു സൈഡ് അനക്കാന്‍ ആകില്ല, കണ്ണുകള്‍ താനേ അടഞ്ഞു പോകുന്ന അവസ്ഥ. ഒരു കണ്ണ് അടയും. മറ്റേ കണ്ണ് വളരെ ഫോഴ്‌സ് ചെയ്താല്‍ മാത്രമാണ് അടയുക. രണ്ടുകണ്ണും ഒരുമിച്ച് അടയ്ക്കാന്‍ കുറച്ചു പാടുണ്ട്. മുഖത്തിന്റെ ഒരു സൈഡ് പാര്‍ഷ്യല്‍ പാരാലിസിസ് എന്ന രീതിയില്‍ എത്തിയിട്ടുണ്ട് എന്നുമാണ് ആശുപത്രിയില്‍ പ്രവേശിപ്പിച്ച അന്ന് മിഥുന്‍ പറഞ്ഞത്.
ഇപ്പോള്‍ തന്റെ ഭാര്യയെക്കുറിച്ച് തുറന്നു പറഞ്ഞിരിക്കുകയാണ് താരം. അസുഖം വന്നപ്പോള്‍ സപ്പോര്‍ട്ട് ചെയ്ത് കൂടെ നിന്നത് ഭാര്യയാണ്. നമുക്ക് ഒരു പ്രശ്‌നം വരുമ്പോള്‍ തൊട്ടടുത്ത് ഉണ്ടാകുന്നത് ഭാര്യയാണെന്നും താരം പറയുന്നു.
