latest news
രോമാഞ്ചം ഇതുവരെ നേടിയത് 64 കോടി !
Published on
കേരളത്തിലെ തിയറ്ററുകളില്‍ തരംഗമായ രോമാഞ്ചം ബോക്‌സ്ഓഫീസില്‍ നിന്ന് നേടിയത് 64 കോടി. 38 ദിവസം കൊണ്ടാണ് വേള്‍ഡ് വൈഡായി ചിത്രം 64 കോടി നേടിയത്. കേരളത്തിലെ തിയറ്ററുകളില്‍ നിന്ന് മാത്രം 39.35 കോടി ചിത്രം കളക്ട് ചെയ്തു.
കേരളമൊഴികെയുള്ള മറ്റ് സംസ്ഥാനങ്ങളില്‍ നിന്ന് 3.8 കോടിയും ഓവര്‍സീസില്‍ നിന്നായി 22 കോടിയും രോമാഞ്ചം സ്വന്തമാക്കി.
ജിതു മാധവന്‍ തിരക്കഥയൊരുക്കി സംവിധാനം ചെയ്ത ചിത്രത്തില്‍ സൗബിന്‍ ഷാഹിര്‍, അര്‍ജുന്‍ അശോകന്‍, ചെമ്പന്‍ വിനോദ്, അനന്തരാമന്‍ അജയ്, സജിന്‍ ഗോപു, അബിന്‍ ബിനോ, സിജു സണ്ണി എന്നിവരാണ് പ്രധാന വേഷത്തില്‍ എത്തിയിരിക്കുന്നത്.
അതേസമയം ഈ വര്‍ഷം പുറത്തിറങ്ങിയ മമ്മൂട്ടി ചിത്രമായ ക്രിസ്റ്റഫറും മോഹന്‍ലാല്‍ ചിത്രമായ എലോണും തിയറ്ററുകളില്‍ പരാജയമായി.
