latest news
പാമ്പിനോടുള്ള പേടി മാറി; ട്രോളിനെതിരെ മറുപടിയുമായി മേഘ്‌ന
Published on
പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് മേഘ്‌ന വിന്‍സെന്റ്. ചന്ദനമഴ എന്ന സീരിയലിലൂടെയാണ് താരം ആരാധകരെ നേടിയെടുത്തത്. ഇപ്പോള്‍ മിസിസ്സ് ഹിറ്റലര്‍ എന്ന സീരിയലിലാണ് താരം അഭിനയിക്കുന്നത്.
ചന്ദനമഴ സീരിയലിലെ ചില രംഗങ്ങള്‍ക്ക് എതിരെ വലിയ രീതിയിലുള്ള ട്രോളുകള്‍ കുറച്ച് ആഴ്ചകളാണ് സോഷ്യല്‍ മീഡിയയില്‍ പ്രചരിക്കുന്നുണ്ട്. ഈ രംഗത്ത് താരം പാമ്പിനെ എുക്കുന്നുമുണ്ട്. ഇപ്പോള്‍ ട്രോളിനെതിരെ രംഗത്തെത്തിയിരിക്കുകയാണ് മേഘ്‌ന.
‘ശരിക്കും ഞാന്‍ പാമ്പിനെ എടുത്തു. ചെറിയൊരു പാമ്പാണെന്നാണ് എന്നോടാദ്യം പറഞ്ഞത്. പിടിക്കാന്‍ പറഞ്ഞപ്പോള്‍ പേടിച്ചിട്ടാണെങ്കിലും പിടിച്ചു. മോളേ മുറുക്കി പിടിക്കരുത് ചിലപ്പോള്‍ ചുറ്റാന്‍ സാധ്യതയയുണ്ടെന്ന് പറഞ്ഞു. ഞാന്‍ ഭയങ്കരമായി ലൂസായി പിടിച്ചു. അപ്പോള്‍ പാമ്പ് ഇഴയും. ആദ്യം പിടിച്ചപ്പോള്‍ പാമ്പ് തിരിഞ്ഞ് നോക്കി. മൂന്ന് ലോകം കണ്ടു. ഒറ്റ ടേക്കില്‍ എടുത്താല്‍ മതി നേരെ വരിക, പാമ്പിന്റെ അടുത്ത് നിന്ന് പ്രാര്‍ത്ഥിക്കുക, എടുക്കുക, പുറത്തേക്ക് പോവുക ഇതായിരുന്നു ഷോട്ട്. ആദ്യത്തെ ടേക്ക് ഓക്കെയായി. രണ്ടാമത്തെ ഷോട്ടില്‍ പാമ്പ് ചീറ്റി. ഇതോടെ പാമ്പിനോടുള്ള പേടി മാറി എന്നും മേഘ്‌ന പറയുന്നു.
