Gossips
മോണ്‍സ്റ്ററിലെ ഡബിള്‍ മീനിങ് ഡയലോഗുകള്‍ ആവശ്യമായിരുന്നു: ഹണി റോസ്
മോഹന്‍ലാലിനെ നായകനാക്കി വൈശാഖ് സംവിധാനം ചെയ്ത ചിത്രമാണ് മോണ്‍സ്റ്റര്‍. ഉദയകൃഷ്ണയുടേതാണ് തിരക്കഥ. വലിയ പ്രതീക്ഷകളോട് തിയറ്ററുകളിലെത്തിയ ചിത്രം പക്ഷേ പരാജയമായിരുന്നു. നിരവധി ഡബിള്‍ മീനിങ് ഡയലോഗുകള്‍ കൊണ്ട് സമ്പന്നമായിരുന്നു ചിത്രം. തിരക്കഥ ആവശ്യപ്പെടുന്നതിന് അനുസരിച്ചായിരുന്നു അത്തരം ഡബിള്‍ മീനിങ് ഡയലോഗുകള്‍ എന്ന് പറയുകയാണ് മോണ്‍സ്റ്ററില്‍ പ്രധാന വേഷം അവതരിപ്പിച്ച നടിമാരില്‍ ഒരാളായ ഹണി റോസ്.
ലക്കി സിങ് എന്ന കഥാപാത്രത്തെ ആ രീതിയിലാണ് രൂപപ്പെടുത്തിയിരിക്കുന്നതെന്നും സിനിമയ്ക്ക് ഡബിള്‍ മീനിങ് ഡയലോഗുകള്‍ ആവശ്യമായിരുന്നുവെന്നും ഹണി പറഞ്ഞു. ഇത് എഴുത്തുകാരന്റെ സ്വാതന്ത്ര്യമാണെന്നും തനിക്ക് അതിലൊന്നും ചെയ്യാനാവില്ലെന്നും താരം കൂട്ടിച്ചേര്‍ത്തു.
Honey Rose
‘ ഷൂട്ട് ചെയ്യുന്ന സമയത്ത് അതിനെ പറ്റി ചിന്തിച്ചിരുന്നു. പക്ഷേ ലക്കിസിങ് എന്ന കഥാപാത്രത്തെ ട്രീറ്റ് ചെയ്തിരിക്കുന്നത് അങ്ങനെയാണ്. ഭയങ്കര വഷളനായ ചൊറിയനായ കഥാപാത്രമാണ്. അങ്ങനെയുള്ള കഥാപാത്രം നമ്മുടെ സമൂഹത്തിലുണ്ട്. അങ്ങനെയൊരാളെ അവതരിപ്പിക്കുമ്പോള്‍ ഇത്തരം ഡയലോഗുകളുടെ ആവശ്യമുണ്ടായിരുന്നു. പിന്നെ അത് ഒരു എഴുത്തുകാരന്റെയും ക്രിയേറ്ററിന്റെയും അവകാശമാണ്. അതില്‍ എനിക്കൊന്നും ചെയ്യാന്‍ സാധിക്കില്ല,’ ഹണി പറഞ്ഞു.
