latest news
സോഷ്യല്‍ മീഡിയയില്‍ മോശം കമന്റ്; കിടിലന്‍ മറുപടി നല്‍കി ആര്യ
ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും പ്രിയപ്പെട്ട താരമാണ് ആര്യ ബാബു. ബഡായി ബംഗ്ലാവ് എന്ന ഏഷ്യാനെറ്റിലെ പരിപാടിയാണ് ആര്യയെ കൂടുതല്‍ ശ്രദ്ധേയമാക്കിയത്. പിന്നീട് ആര്യ ബഡായി എന്ന പേരില്‍ അറിയപ്പെടാന്‍ തുടങ്ങി.
Arya Babu
മോഡലിംഗിലൂടെയാണ് ആര്യ അഭിനയ രംഗത്തേക്ക് എത്തുന്നത്. ജനപ്രിയ റിയാലിറ്റി ഷോയായ ബിഗ് ബോസ് മലയാളത്തിന്റെ രണ്ടാം പതിപ്പിലെ ഒരു മത്സരാര്‍ത്ഥി കൂടിയായിരുന്നു ആര്യ. താരത്തിന്റെ ബിഗ് ബോസിലെ പ്രകടനവും ഏറെ പ്രശംസ പിടിച്ചു പറ്റിയിരുന്നു.
ഇപ്പോള്‍ സോഷ്യല്‍ മീഡിയയില്‍ മകള്‍ക്കൊപ്പം പോസ്റ്റ് ചെയ്ത ചിത്രത്തിന് ഒരാള്‍ മോശം കമന്റ് ചെയ്യുകയും അതിന് താരം നല്‍കിയ മറുപടിയുമാണ് വൈറലായിരിക്കുന്നത്.
Arya Babu
നിങ്ങള്‍ക് ഒരപാട് കാശുണ്ടല്ലോ. എന്തുകൊണ്ട് മകളുടെ പല്ലില്‍ കമ്പിയിട്ട് അത് നേരെയാക്കുന്നില്ല? അപ്പോള്‍ അവളും നിങ്ങളെ പോലെ പെര്‍ഫെക്ട് ലുക്കാകില്ലേ? എന്നായിരുന്നു ഒരാളുടെ ചോദ്യം. പിന്നാലെ അയാള്‍ക്ക് മറുപടിയുമായി ആര്യ എത്തുകയായിരുന്നു. നിങ്ങള്‍ക്ക് അറിയില്ലെങ്കില്‍ പറയാം, പല്ലില്‍ കമ്പിയിടുന്നതിന് പ്രായപരിധിയുണ്ട്. അമ്മ എന്ന നിലയില്‍ ഈ ലോകത്തുള്ള മറ്റെന്തിനേക്കാളും ഞാന്‍ വിലമതിക്കുന്നത് എന്റെ മകള്‍ക്കാണ്.
