Videos
സന്തോഷം സഹിക്കാനായില്ല, പൊട്ടിക്കരഞ്ഞ് പ്രിയ വാര്യര്‍; കാരണം ഇതാണ് (വീഡിയോ)
സ്വന്തം സിനിമ കണ്ട് പൊട്ടിക്കരഞ്ഞ് നടി പ്രിയ വാര്യര്‍. പ്രിയ കേന്ദ്ര കഥാപാത്രത്തെ അവതരിപ്പിച്ച 4 ഇയേഴ്‌സിന്റെ പ്രിവ്യൂ ഷോ കണ്ടിറങ്ങിയ ശേഷമാണ് താരം പൊട്ടിക്കരഞ്ഞത്. ക്യാംപസ് സൗഹൃദവും പ്രണയവും പ്രമേയമാക്കി രഞ്ജിത്ത് ശങ്കര്‍ സംവിധാനം ചെയ്ത ചിത്രമാണ് 4 ഇയേഴ്‌സ്.
സിനിമ കണ്ടിറങ്ങിയ പ്രിയ വളരെ വൈകാരികമായാണ് മാധ്യമങ്ങളോട് പ്രതികരിച്ചത്. കരച്ചില്‍ അടക്കാന്‍ സാധിക്കാതെയാണ് താരം തിയറ്ററില്‍ നിന്ന് ഇറങ്ങിവന്നത്. പ്രിയയെ സഹപ്രവര്‍ത്തകര്‍ ആശ്വസിപ്പിക്കുന്നതും വീഡിയോയില്‍ കാണാം. നാല് വര്‍ഷത്തിനു ശേഷം പ്രിയ വാര്യര്‍ മലയാളത്തിലേക്ക് തിരിച്ചെത്തിയ സിനിമ കൂടിയാണ് 4 ഇയേഴ്‌സ്.
‘ കുറേകാലമായി ഇത്തരത്തിലുള്ള പ്രേക്ഷക പ്രതികരണത്തിനു വേണ്ടി കാത്തിരിക്കുന്നു. ചെറുപ്പം തൊട്ടുള്ള എന്റെ സ്വപ്‌നമാണ് സിനിമ. ആ സ്വപ്‌നം സാക്ഷാത്കരിക്കപ്പെടുമ്പോള്‍ എന്ത് പറയണമെന്ന് എനിക്ക് അറിയില്ല. സിനിമയില്‍ എനിക്ക് എന്നെ കാണാന്‍ കഴിഞ്ഞില്ല. ഗായത്രി എന്ന കഥാപാത്രത്തെ മാത്രമാണ് കണ്ടത്. ഞാന്‍ ആദ്യമായിട്ടാണ് എന്നെ സ്‌ക്രീനില്‍ കാണുന്നതെന്ന് തോന്നി. ഇത് സന്തോഷത്തിന്റെ കണ്ണീരാണ്,’ പ്രിയ കരഞ്ഞുകൊണ്ട് പറഞ്ഞു.
