latest news
എ പടത്തില്‍ അഭിനയിച്ചാല്‍ എന്താണ് കുഴപ്പം?; സ്വാസിക ചോദിക്കുന്നു
സിദ്ധാര്‍ത്ഥ് ഭരതന്‍ സംവിധാനം ചെയ്ത ചതുരം സെപ്റ്റംബര്‍ 16 ന് തിയറ്ററുകളിലെത്തും. സ്വാസിക, റോഷന്‍ എന്നിവരാണ് ചിത്രത്തില്‍ കേന്ദ്ര കഥാപാത്രങ്ങളെ അവതരിപ്പിച്ചിരിക്കുന്നത്. ചതുരത്തിന് എ സര്‍ട്ടിഫിക്കറ്റാണ് ലഭിച്ചത്. ഇതേ കുറിച്ച് മനസ്സുതുറക്കുകയാണ് നടി സ്വാസിക ഇപ്പോള്‍.
എ പടത്തില്‍ അഭിനയിച്ചാല്‍ എന്താണ് കുഴപ്പമെന്ന് സ്വാസിക ചോദിക്കുന്നു. നല്ല കഥയാണെങ്കില്‍ എന്ത് കൊണ്ട് എ പടത്തില്‍ അഭിനയിച്ചു കൂടാ എന്നാണ് സ്വാസികയുടെ ചോദ്യം. എ സര്‍ട്ടിഫിക്കറ്റ് കിട്ടിയ ചിത്രത്തില്‍ അഭിനയിച്ചു എന്നത്‌കൊണ്ട് പോണ്‍ ചിത്രത്തിലാണ് അഭിനയിച്ചത് എന്ന അര്‍ത്ഥമില്ലെന്നും സ്വാസിക പറഞ്ഞു.
Swasika
കഥയും തന്റെ കഥാപാത്രവും നല്ലതാണെന്ന് തോന്നിയ കൊണ്ട് ചെയ്ത ചിത്രമാണ് ചതുരം. പ്രണയമായാലും, പകയായാലും എല്ലാ വികാരങ്ങളെയും തുറന്ന് കാട്ടുന്നകൊണ്ടാണ് ചിത്രത്തിന് എ സര്‍ട്ടിഫിക്കറ്റ് ലഭിച്ചത്. എ സര്‍ട്ടിഫിക്കറ്റ് തെറ്റാണെന്ന് തോന്നുന്നത് നമ്മുടെ സംസ്‌കാരത്തിന്റെ പ്രശ്‌നമാണ്. മറ്റ് രാജ്യങ്ങളില്‍ ആ പ്രശ്‌നമില്ലെന്നും സ്വാസിക കൂട്ടിച്ചേര്‍ത്തു.
