Gossips
ഈ നടിയെ മനസ്സിലായോ? മലയാളത്തിന്റെ പ്രിയതാരം !
സിനിമാ താരങ്ങളുടെ കുട്ടിക്കാല ചിത്രങ്ങള്‍ സോഷ്യല്‍ മീഡിയയില്‍ ശ്രദ്ധിക്കപ്പെടുക പതിവാണ്. ചില താരങ്ങളുടെ പഴയ ചിത്രങ്ങള്‍ കണ്ടാല്‍ ഇത് ആരാണെന്ന് നാം അതിശയിച്ചു പോകും. അങ്ങനെയൊരു താരത്തിന്റെ കൗമാര പ്രായത്തിലെ ചിത്രമാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധിക്കപ്പെട്ടിരിക്കുന്നത്.
ഈ ചിത്രത്തില്‍ കാണുന്ന നടി ആരാണെന്ന് മനസ്സിലായോ? മലയാളികള്‍ക്ക് ടെലിവിഷനിലൂടെയും സിനിമകളിലൂടെയും ഏറെ സുപരിചിതയായ നടി ബീന ആന്റണിയാണ് ഇത്. ‘ഓര്‍മകളുടെ കുറുപ്പും വെളുപ്പും നിറഞ്ഞ ചിത്രങ്ങള്‍’ എന്ന ക്യാപ്ഷനോടെ ബീന ആന്റണി തന്നെയാണ് ഈ ചിത്രങ്ങള്‍ പങ്കുവെച്ചിരിക്കുന്നത്.
Beena Antony
1972 ജൂണ്‍ 19 നാണ് ബീനയുടെ ജനനം. താരത്തിനു ഇപ്പോള്‍ 50 വയസ്സാണ് പ്രായം. ടെലിവിഷന്‍ സീരിയലുകളിലൂടെയാണ് ബീന ആന്റണി കൂടുതല്‍ ശ്രദ്ധിക്കപ്പെട്ടത്. 1991 ല്‍ കനല്‍ക്കാറ്റ് എന്ന ചിത്രത്തില്‍ അഭിനയിച്ചാണ് ബീന അഭിനയരംഗത്ത് അരങ്ങേറിയത്. അഭിനേതാവ് മനോജ് നായര്‍ ആണ് ബീനയുടെ ജീവിതപങ്കാളി. ഇരുവര്‍ക്കും ആരോമല്‍ എന്ന് പേരുള്ള മകനുണ്ട്. സോഷ്യല്‍ മീഡിയയില്‍ സജീവ സാന്നിധ്യമാണ് ബീനയുടെ കുടുംബം.
